4 December 2020 8:28 PM
अँप डाउनलोड

राज ठाकरेंना बहुतेक मुख्यमंत्र्यांकडे जाण्याची अडचण वाटत असावी | सेनेनं डिवचलं

Shivsena, minster Abdul Sattar, MNS chief Raj Thackeray, Governor

मुंबई, ३० ऑक्टोबर: मनसे अध्यक्ष राज ठाकरे यांनी काल राज्यपाल भगतसिंह कोश्यारी यांची राजभवनावर भेट घेतली होती. राज्यातील वाढीव वीज बिल प्रश्नाविषयी राज ठाकरेंनी भेट घेतली होती. त्यावेळी राज्यपालांनी राष्ट्रवादीचे सर्वेसर्वा शरद पवार यांचा सल्ला घेण्यास राज ठाकरे यांना सांगितले होते.

BhagyaVivah Marathi Matrimonial

त्यानंतर राज ठाकरे म्हणाले कि, वाढीव वीज बिलाप्रश्नी राज्यपालांशी चर्चा करण्यात आली. गेली अनेक दिवस माझा पक्ष, कार्यकर्ते प्रकरणी आंदोलन करत आहेत. परंतु, याप्रकरणी कंपन्या एमईआरसीकडे बोट दाखवत आहेत, दुसरीकडे एमईआरसी आमचे काही दडपण नाही म्हणत आहे.

तसेच, नितीन राऊत यांच्याशी बोलणे झाले. त्यांनी लवकरात लवकर निर्णय घेऊ सांगितले, पण अजून तो होत नाही. याविषयी शरद पवारांशी बोलण्याचा सल्ला राज्यपालांकडून देण्यात आला आहे. याप्रकरणी नागरिकांना लवकरात लवकर दिलासा देण्यात यावा. या मागणीसाठी लवकरच मुख्यमंत्री उद्धव ठाकरे आणि शरद पवार यांच्याशी बोलणार असल्याचेही राज ठाकरे यांनी सांगितले होते.

अखेर राज यांनी राज्यपालांचा सल्ला मान्य करत शरद पवारांशी फोनवर चर्चा केली आहे. दूध उत्पादक शेतकरी आणि वाढीव वीज बिलाच्या मुद्यांवर आज राज ठाकरे यांनी शरद पवार यांच्याशी फोनवर चर्चा केली. यावेळी राज यांनी सर्वसामन्याच्या वीज बिलात झालेली वाढ कमी करण्यात यावी आणि इतर महत्वाच्या विषयांबद्दल चर्चा केली.

दरम्यान, राज्यपालांच्या या भूमिकेवरुन शिवसेनेनं राज ठाकरे यांनी डिवचण्याचा प्रयत्न केला आहे. राज्यमंत्री आणि शिवसेनेचे नेते अब्दुल सत्तार यांनी राज ठाकरे आणि राज्यपालांच्या भेटीवर प्रतिक्रिया दिली आहे. राज ठाकरे यांना बहुतेक मुख्यमंत्री उद्धव ठाकरे यांच्याकडे जाण्याची अडचण वाटत असावी. त्यामुळे राज्यपाल यांनी त्यांना शरद पवारांना भेटण्यासाठी सांगितले. तसेच शरद पवार यांच्याकडे हर मर्ज की दवा है, असं मिश्कील प्रतिक्रिया अब्दुल सत्तार यांनी दिली आहे.

 

News English Summary: Shiv Sena has tried to oust Raj Thackeray from this role of Governor. Minister of State and Shiv Sena leader Abdul Sattar has reacted to the meeting between Raj Thackeray and the Governor. Raj Thackeray must have found it difficult to approach most of the Chief Minister Uddhav Thackeray. So the governor asked him to meet Sharad Pawar. Also, Sharad Pawar has a cure for every ailment, said Abdul Sattar.

News English Title: Shivsena minster Abdul Sattar reply over meeting between MNS chief Raj Thackeray and the governor News updates.

हॅशटॅग्स

#RajThackeray(84)

संबंधित बातम्या

राहुन गेलेल्या बातम्या

x