29 March 2024 5:20 PM
अँप डाउनलोड
बातम्या फ्लॅश
Adani Power Share Price | अदानी पॉवर आणि रिलायन्स इंडस्ट्रीजमध्ये मोठा करार, शेअरमध्ये मजबूत वाढीचे संकेत Skipper Share Price | अल्पावधीत 510 टक्के परतावा देणारा शेअर खरेदीला ऑनलाईन धावपळ, नेमकं कारण काय REC Share Price | 1 वर्षात REC शेअरने 292% परतावा दिला, आता एका सकारात्मक बातमीने शेअर्स खरेदीला गर्दी Reliance Share Price | खुशखबर! भरवशाचा रिलायन्स इंडस्ट्रीज शेअर देईल 55 टक्केपर्यंत परतावा, तज्ज्ञांकडून फायद्याचे संकेत Reliance Power Share Price | शेअरची किंमत 28 रुपये, अवघ्या 15 दिवसांत 40% परतावा देणारा स्टॉक लवकरच मल्टिबॅगर? IREDA Share Price | टेक्निकल चार्टवर IREDA स्टॉकची सपोर्ट लेव्हल तज्ज्ञांकडून जाहीर, स्टॉक पुढे घसरणार की तेजीत येणार? NHPC Share Price | टेक्निकल चार्टवर NHPC शेअर कोणते संकेत देतोय, सकारात्मक उपडेटनंतर तज्ज्ञांनी काय सल्ला दिला?
x

अन्वय नाईक आत्महत्या तपासाची दिशा भरकटवण्याचा भाजपचा प्रयत्न - शिवसेना

Shivsena MP Sanjay Raut, BJP former MP Kirit Somaiya, Anvay Naik

मुंबई, १३ नोव्हेंबर : अन्वय नाईक आणि ठाकरे कुटुंबीयांमध्ये झालेल्या जमीन व्यवहारावरून धक्कादायक आरोप करणारे भारतीय जनता पक्षाचे माजी खासदार किरीट सोमय्या (BJP Former MP Kirit Somaiya) यांना शिवसेनेचे खासदार संजय राऊत यांनी चांगलंच फटकारलं आहे. यासंदर्भात बोलताना राऊत म्हणाले की ‘कोण आहे हा माणूस? काय माहीत आहे त्याला? कोणत्या जमिनीचे व्यवहार? २०१४ सालचा हा कायदेशीर व्यवहार आहे. त्याचे कागद हातात घेऊन हा गिधाडासारखा का फडफडतोय. मराठी माणसानं केलेला व्यवहार ह्यांच्या डोळ्यात इतका खुपतोय का?,’ असा थेट सवाल संजय राऊत यांनी केला आहे.

वास्तुरचनाकार अन्वय नाईक आत्महत्या प्रकरणात (Anvay Naik Suicide Case) अर्णव गोस्वामी यांना अटक झाल्यापासून भारतीय जनता पक्ष ठाकरे सरकारविरोधात आक्रमक झाल्याचं पाहायला मिळत आहे. माजी खासदार किरीट सोमय्या यांनी नाईक आणि ठाकरे कुटुंबामध्ये तब्बल २१ जमीन व्यवहार झाल्याचा गौप्यस्फोट एका पत्रकार परिषदेत केला आहे. ‘या दोन कुटुंबांचा नेमका काय संबंध आहे. मुख्यमंत्री उद्धव ठाकरे यांनी यासंदर्भात स्पष्टीकरण द्यावं, अशी मागणी देखील त्यांनी केली होती. किरीट सोमय्यांच्या या आरोपांना संजय राऊत यांनी आज पत्रकारांशी बोलताना जोरदार प्रत्युत्तर दिलं.

‘कोणी काय व्यवहार करावा आणि कशासाठी करावा? हे शेठजींच्या पक्षाचे व्यापारी प्रवक्ते सांगू शकत नाहीत. वास्तविक सदर प्रकरण हे एका व्यक्तीच्या मृत्यूसंदर्भात आहे. एकाबाजूला त्यांची पत्नी व कन्या न्यायासाठी आक्रोश करत आहेत. त्याबद्दल शेठजींच्या पक्षाचे प्रवक्ते बोलत नाही. आम्ही त्यांना न्याय देण्याचा प्रयत्न करत असताना हे कुठलेही फालतू मुद्दे घेऊन पुढं येताहेत. तपासाची दिशा भरकटवण्यासाठी हे प्रयत्न सुरू आहेत. ही अत्यंत गंभीर गोष्ट आहे,’ असं खासदार संजय राऊत म्हणाले.

‘आमची भूमिका अन्वय नाईक यांच्या पत्नीला न्याय द्यायची आहे. गुन्हेगारांना कायद्याच्या चौकटीत शिक्षा देण्याची आहे. शेठजीच्या पक्षाच्या प्रवक्त्यांना गुन्हेगारांना वाचवायचं आहे. त्यासाठी ही फडफड सुरू आहे, पण त्यातून काही निष्पन्न होणार नाही. २१ व्यवहार केल्याचा आरोप करताहेत. हा खोटारडेपणाचा कळस आहे. ही त्यांना वॉर्निंग आहे. त्यांनी कितीही फडफड केली तरी हे सरकार पाच वर्षे चालणार,’ असं देखील राऊत यांनी ठणकावलं.

 

News English Summary: Since the arrest of Arnav Goswami in the Naik suicide case under architect Anwai, the Bharatiya Janata Party (BJP) has been aggressive against the Thackeray government. Former MP Kirit Somaiya has revealed in a press conference that 21 land transactions have taken place between Naik and Thackeray family. What exactly is the relationship between these two families? He had also demanded that Chief Minister Uddhav Thackeray should give an explanation in this regard. Sanjay Raut, while talking to reporters today, strongly responded to these allegations of Kirit Somaiya.

News English Title: Shivsena MP Sanjay Raut slams BJP former MP Kirit Somaiya allegations over Thackeray family news updates.

हॅशटॅग्स

#Shivsena(1170)

संबंधित बातम्या

राहुन गेलेल्या बातम्या

x