26 November 2022 9:22 PM
अँप डाउनलोड
बातम्या फ्लॅश
Weekly Horoscope | 28 नोव्हेंबर - 4 डिसेंबर | 12 राशीच्या लोकांसाठी कसा राहील आगामी आठवडा, नशीबाची साथ कोणाला? Tata Mutual Fund | टाटा म्युच्युअल फंडमधील टॉप 10 स्किमची लिस्ट सेव्ह करा, 3 वर्षात पैसे दुप्पट करा आणि मालामाल व्हा Horoscope Today | 27 नोव्हेंबर 2022 | तुमच्या राशीनुसार तुमचा रविवारचा दिवस कसा असेल जाणून घ्या Numerology Horoscope | 27 नोव्हेंबर, अंकज्योतिष शास्त्रानुसार तुमचा रविवारचा दिवस कसा असेल?, तुमच्या मूलांकावरून जाणून घ्या Bhediya Box Office Collection | बॉक्स ऑफिसवर 'भेडिया'ची दमदार ओपनिंग, 1 दिवसात किती कोटींचा गल्ला? Paytm Share Price | खरं की काय? पेटीएमचा स्टॉक पुन्हा दुपटीने वाढणार? तज्ज्ञ असं सांगत असण्यामागे नेमकं कारण काय? Vikram Gokhale | मराठी, हिंदी चित्रपटसृष्टी तसंच नाट्यसृष्टीतही अढळपद निर्माण करणारे ज्येष्ठ अभिनेते विक्रम गोखलेंच निधन
x

बुलेट ट्रेनचे सर्व्हेक्षण उधळणाऱ्या मनसे कार्यकर्ते व शेतकऱ्यांना अटक

ठाणे : सोमवारी मनसे कार्यकर्त्यांनी ठाणे दिवा नजिक येथे सुरू असलेल्या बुलेट ट्रेनचे सर्व्हेक्षण उधळून लावत सरकारला थेट इशारा दिला होता. त्या आंदोलनात स्थानिक शेतकरी सुद्धा शामिल झाले होते. शीळ-डायघर पोलिसांनी मंगळवारी दुपार पासून या कारवाईला सुरुवात केली आहे.

शीळ-डायघर पोलिसांनी मंगळवारी दुपारी काही जणांना सरकारी कामात अडथळा आणल्याप्रकरणी अटक केली आहे. त्यातील २ शेतकऱ्यांसहित काही कार्यकर्त्यांना सोडून दिले. मनसे अध्यक्ष राज ठाकरे यांनी बुलेट ट्रेनला दाखविलेल्या कडवट विरोधा नंतर ठाणे-पालघर जिल्हा अध्यक्ष अविनाश जाधव यांच्या नेतृत्त्वाखाली कार्यकर्ते आक्रमक झाले आणि त्यांनी शीळफाटा येथे सुरू असलेल्या बुलेट ट्रेनचे सर्व्हेक्षण सोमवारी अक्षरश: उधळून लावत जमीन मोजणीच्या मशीन सुद्धा फेकून दिल्या होत्या.

मनसेचे नेते राजू पाटील आणि ठाणे-पालघर जिल्हा अध्यक्ष अविनाश जाधव यांच्या सह सर्व कार्यकर्ते परिस्थितीवर लक्ष ठेऊन आहेत. पोलिसांनी अटक केलेल्या सात जणांमध्ये रवींद्र मोरे, मनविसे ठाणे शहर अध्यक्ष संदीप पाचंगे, मनविसे डोंबिवली शहर अध्यक्ष सागर जेधे, उपशहर अध्यक्ष पुष्कर विचारे, शहर सचिव विनायक रणपिसे, प्रभाग अध्यक्ष जनार्दन खारीवले,कुशाल पाटील यांचा प्रामुख्याने समावेश आहे.

सरकार शेतकऱ्यांचा विरोध धुडकावून दडपशाहीचा मार्ग आजमावत आहे. परंतु या दडपशाहीला मनसे कार्यकर्ते घाबरत नाही. स्थानिकांच्या हितासाठी आणि शेतकऱ्यांसाठी मनसेचे आंदोलन असेच सुरू राहणार आहे. तसेच बुधवारपासून हे आंदोलन गनिमी काव्याने केले जाईल असं ठाणे-पालघर जिल्हा अध्यक्ष अविनाश जाधव यांनी सांगितलं.

हॅशटॅग्स

संबंधित बातम्या

राहुन गेलेल्या बातम्या

x