आधी कुंकू लाव, मग तुझ्याशी बोलेन असं बोलून समस्त महिलांचा अपमान केल्यांनतरही सत्ताधारी शांत, पण महिला आयोग आक्रमक

Sambhaji Bhide | ‘शिवप्रतिष्ठान’चे संस्थापक संभाजी भिडे यांनी बुधवारी मुख्यमंत्री एकनाथ शिंदे यांची मंत्रालयात जाऊन भेट घेतली. यावेळी उद्योगमंत्री उदय सामंतही उपस्थित होते. शिंदेंसोबतच्या भेटीनंतर संभाजी भिडे यांनी प्रसार माध्यमांशी बोलताना या भेटीचं कारण स्पष्ट केलं होतं. मुख्यमंत्री झाल्यापासून मी त्यांची भेट घेतली नव्हती. त्यामुळे ही सदिच्छा भेट देण्यासाठी आलो आहे, अशी प्रतिक्रिया यावेळी त्यांनी माध्यमांना दिली होती.

या भेटीबाबात बोलताना ते म्हणाले होते, “मी राष्ट्रहिताच्या काही मुद्यांवर चर्चा करण्यासाठी मुख्यमंत्री एकनाथ शिंदे यांची भेट घेतली. मात्र, मंत्रीमंडळाची बैठक असल्याने सविस्तर चर्चा झाली नाही. त्यामुळे आगामी काळात त्यांची पुन्हा भेट घेणार आहे”, अशी प्रतिक्रिया संभाजी भिडे यांनी दिली होती. या भेटीचे काही राजकीय अर्थ काढले जात असल्याबाबात विचारले असता त्यांनी उत्तर देण्याचे टाळले. यावेळी बोलताना त्यांनी शिंदे सरकारचे कौतुक केले. मात्र काही वेळातच त्यांनी एका मंत्रालयातच एका महिला पत्रकाराचा टिकली न लावण्यावरून अपमान केला आणि राज्यभरातून संताप व्यक्त करण्यात आला आणि त्याविरोधात अजून टीका होतं आहे. विशेष म्हणजे यावर मुख्यमंत्री एकनाथ शिंदे यांनी मोठी प्रतिक्रिया देणं अपेक्षित असताना त्यांनी तसं केलं नाही. त्यामुळे हे सामान्य जनतेचं सरकार असल्याचं सांगणारे सत्ताधारी सामान्य महिलांबाबत किती प्रगत विचारांचे आहेत याचा अप्रत्यक्ष प्रत्यय येताना दिसत आहे.

दरम्यान, वादग्रस्त वक्तव्यामुळे महिला आयोग आक्रमक झाला आहे. संभाजी भिडे यांनी सदर वक्तव्याबाबत आपली भूमिका स्पष्ट करावी, असे आदेश महिला आयोगामार्फत देण्यात आली आहे. मुख्यमंत्री शिंदे यांच्या भेटीनंतर यावर प्रतिक्रिया देण्यासाठी सर्व पत्रकार भिडे गुरुजींकडे गेले. यावेळी एका महिला पत्रकार त्यांची प्रतिक्रिया विचारायला गेली. तिला पाहून संभाजी भिडे म्हणाले, आधी कुंकू लाव, मग तुझ्याशी बोलेन. आमची अशी भावना आहे की प्रत्येक स्त्री ही भारतमाता आहे. भारतमाता विधवा नाहीये.

साम टीव्हीच्या महिला पत्रकाराला तु टिकली लावली नाही म्हणून तुझ्याशी बोलणार नाही असे सांगत त्या महिलेचा आणि पत्रकारितेचाही अपमान करणार्या संभाजी भिडेंचा निषेध आहे.
याआधी ही महिलांना हीन समजणारी, तुच्छतादर्शक वक्तव्य त्यांनी वारंवार केली आहेत त्यांची मनोवृत्ती यातून दिसून येते.1/2 pic.twitter.com/fVmxNdMivo

— Rupali Chakankar (@ChakankarSpeaks) November 2, 2022

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Sambhaji Bhide statement on Bindi Tikli insulting a woman journalist check details 03 November 2022.