योगी ते फडणवीस, कमळावर देखील घराणेशाहीच्याच पाकळ्या

नवी दिल्ली : सध्या लोकसभेच्या अनुषंगाने सत्ताधारी भारतीय जनता पक्ष काँग्रेस, राष्ट्रवादी आणि इतर पक्षांवर घराणेशाहीचा आरोप करत असून भाजप त्यातला नाही असं भासवत आहे. परंतु, भाजपची सध्याची कुंडली तपासल्यास ते इतर पक्षांच्या तुलनेत काही कमी नाहीत असंच चित्र आहे. त्यामुळे घराणेशाही या विषयावर भाजपने न बोललेलं बरं, असा सूर विरोधकांनी लावला आहे.

अगदी उत्तर प्रदेशाचे मुख्यमंत्री आदित्यनाथ आणि महाराष्ट्राचे मुख्यमंत्री देखील त्याच घराणेशाहीचा भाग आहेत असं म्हटल्यास वावगं ठरणार नाही. घराणेशाहीची कीड सर्वच पक्षांमध्ये पसरली असली तरी भारतीय जनता पक्ष त्याला अपवाद नाही. त्यात मोठ्या प्रमाणावर केंद्रीय आणि राज्य पातळीवरील नेतेमंडळींच्या कुटुंबीयांचा समावेश आहे.

त्यामुळे विरोधकांवर भाजप घराणेशाहीचा कितीही आरोप करत असला तरी भाजपात देखील तेच होत आहे अशी आकडेवारी सांगते. केंद्रातील आणि राज्यातील नेत्यांची मोठी कौटुंबिक यादीच घराणेशाही सिद्ध करत असली तरी राजकीय धुरळा उडण्याच्या भीतीने अजून तरी जय शहा आणि शौर्य डोवल यांची नावं जाहीर करण्यात अडचणी येत असाव्यात, अस विरोधकांनी म्हटलं आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.