सबरीमाला मंदिरात जाणाऱ्या महिलांचे तुकडे करा, अभिनेता व भाजप समर्थक तुलसीधरन नायरच वक्तव्य

तिरूवनंतपुरम : सबरीमाला मंदिरामध्ये महिलांना प्रवेशासाठी सर्वोच्च न्यायालयाने सुनावलेल्या आदेशावर नाराजी व्यक्त करत मल्याळम अभिनेत्याने वादग्रस्त विधान केल्याने खळबळ माजली आहे. अभिनेता, तसेच भाजप समर्थक तुलसीधरन नायर यांनी सबरीमाला मंदिरात येणाऱ्या महिलांचे तुकडे केले पाहिजे असे धक्कादायक विधान केले आहे.

अभिनेता तुलसीधरन नायर हा कट्टर भाजप समर्थक म्हणून परिचित आहे. त्याने थेट सर्वोच्च न्यायालयाने सुनावलेल्या आदेशावर नाराजी व्यक्त करत असे विधान केले आहे. तो तेवढ्यावरच थांबला नसून, पुढे असं सुद्धा म्हणाला की,’ज्या महिला सबरीमाला मंदिरात जातात त्यांचे तुकडे केले पाहिजेत आणि त्यातला एक तुकडा दिल्लीला पाठवण्यात यावा. तर दुसरा तुकडा मुख्यमंत्री कार्यालयाच्या बाहेर फेकण्यात यावा असे त्यांनी म्हटले आहे.

सबरीमाला मंदिर प्रकरणी सर्वोच्च न्यायालयाने मंदिरात पुरूषांप्रमाणे महिलांनाही जाण्याची मुभा असल्याचे आदेश निकालादरम्यान दिले होते. त्यानुसार सबरीमाला मंदिर सार्वजनिक संपत्ती असून मंदिरात कोणत्याही वयाच्या महिलेला प्रवेशासाठी परवानगी देण्यात आली आहे.

Women coming to #Sabarimala temple should be ripped in half. One half should be sent to Delhi and the other half should be thrown to Chief Minister’s office in Thiruvananthapuram: Actor Kollam Thulasi, in Kollam #Kerala. pic.twitter.com/r4cL72mzJm

— ANI (@ANI) October 12, 2018