नवी दिल्ली : भारताच्या राजकारणात तसेच संसदेतील मानाचं असलेलं पद म्हणजे राज्यसभेचे उपसभापती पद जे भाजपश्रेष्ठी शिवसेनेला देण्यास तयार असून तसा निरोप पक्ष श्रेष्ठींकडे गेला असून भाजपकडून शिवसेनेच्या मनधरणीचे प्रयत्न सुरु झाल्याचे समजते.
शिवसेनेने आधीच स्वतंत्र निवडणुका लढविण्याचा निर्णय घेण्यात आला असला तरी भाजपकडून पुन्हां शिवसेनेच्या मनधरणीचे प्रयत्नं सुरु झाले आहेत. गेल्या ४ वर्षात युतीमध्ये बराच दुरावा आला असून सत्तेत राहून भाजपला डिवचण्याचा एकही संधी शिवसेना गमावत नाही. युतीत तोच आलेला दुरावा दूर करण्यासाठी भाजपकडून प्रयत्नं सुरु झाल्याचे समजते.
गेली चार दशक काँग्रेसकडे असलेलं राज्यसभा उपसभापती पद हे शिवसेनेला देण्याच्या हालचाली भाजपच्या वरिष्ठांकडून सुरु असून, तसा प्रस्ताव शिवसनेंकडे पाठविण्यात आला आहे. राज्यसभेचे विद्यमान उपसभापती पी जे कुरियन यांचा कार्यकाळ लवकरच संपत आहे. त्यामुळे ते पॅड शिवसेनेला देण्याचा प्रस्ताव मातोश्रीवर धाडण्यात आला आहे. परंतु तो स्वीकारायचा किंव्हा नाही ते पक्षप्रमुख उद्धव ठाकरेच ठरवतील असे समजते. जर शिवसेनेने तो स्वीकारलाच तर ते पद अनुभवाच्या तत्वावर संजय राऊत यांच्याकडे जाऊ शकत.
