नवी दिल्ली : मोदी सरकार आता तुमच्या कम्प्युटरमधील प्रत्यके हालचालींवर बारीक नजर असणार आहे. कारण, केंद्रीय गृह मंत्रालयाकडून देशातील तब्बल १० मोठ्या एजन्सींना तुमच्या खासगी कम्प्युटरवर थेट नजर ठेवण्यासाठी परवानगी बहाल करण्यात आली आहे. या सर्व संबंधित १० एजन्सी एकप्रकारे तुमच्यासाठी गुप्तहेराचेच काम करणार असून त्या केव्हाही तुमच्या खासगी कम्प्युटरमधील माहिती तपासू शकतात. त्यामुळे तो कम्प्युटर तुमच्या मालकीचा जरी असला तरी त्याचा वापर आणि साठवलेल्या माहितीची काळजी घ्या.

दरम्यान, मोदी सरकारच्या या विवादित निर्णयामुळे केंद्र सरकारवर विरोधकांनी जोरदार हल्लाबोल केला आहे. ‘अबकी बार निजता पर वार’, असे म्हणत राष्ट्रीय काँग्रेसचे नेते रणदीप सुरजेवाला यांनी नरेंद्र मोदी सरकारवर जोरदार निशाणा साधला आहे. ते म्हणाले, विधानसभा निवडणुकीतील पराभवानंतर मोदी सरकार आता तुमच्या खासगी कम्प्युटरमधील माहितीवर नजर ठेवणार आहे. त्यासाठी मोदी सरकारने तब्बल १० बड्या एजन्सी नियुक्त करून व्यक्तिगत स्वातंत्र्यावर हल्ला केला आहे असा आरोप विरोधकांनी केला आहे.

काय भाष्य केले आहे विरोधकांनी या विषयाला अनुसरून?

central government authorises and top 10 agencies snoop your computer opposition targets modi government