मुंबई : सध्या देशात भाजप आणि शिवसेनेच्या राजवटीत महागाईने शिखर गाठलं असताना शेतकरी आत्महत्या, जलयुक्त शिवार आणि शिवजल योजनांचं ग्रामीण भागाला मृगजळ दाखवून पुन्हा तीव्र दुष्काळ जाहीर करण्याची आलेली वेळ, पेट्रोल-डिझेलचे वाढणारे भाव, डॉलरच्या तुलनेत कोसळणारी रुपयाची किंमत या सर्व विषयांपासून सामान्य लोकांना विचलित करण्यासाठी सगळं ठरवून सुरु आहे अशी परिस्थिती आहे.
कारण, २०१९ च्या निवडणूका ना भाजपला पोषक दिसत आहेत आणि नाही शिवसेनेला सुद्धा. दरम्यान २०१४ मध्ये विकासाची स्वप्नं दाखवत सत्तेत आलेल्या भाजप आणि शिवसेनेचा विकासाचा कार्यक्रम पूर्ण फसल्याने भाजप आणि शिवसेनेने धार्मिक राजकारण सुरु करून राम मंदिराच्या नावाने बोंब सुरु केली आहे. त्यात शिवसेनेच्या डझनभर मंत्र्यांनी नेमका काय विकास केला आणि ते राज्यातील जनतेसाठी किती विकासाची कामं करतात याची पोलखोल त्यांच्याच आमदाराने सर्वांदेखत केली आहे. त्यामुळे राम मंदिराची निवडणुकीपूर्वी सर्वाधिक घाई शिवसेनेला होणे साहजिकच आहे.
त्यामुळे राम मंदिराच्याबाबत २ वेगवेगळ्या निवडणुकीतील शिवसेनेची दुप्पटी भूमिका त्यांच्या तत्कालीन प्रतिक्रियेसोबत आम्ही लवकरच उघड करणार आहोत. त्यामुळे आता २०१९ मधील लोकसभा निवडणूका जवळ येताच राम मंदिर हा सर्वाधिक महत्वाचा मुद्दा बनवणारी शिवसेना, त्यावेळी राम मंदीराच्या मुद्याला बगल देत कोणते इतर मुद्दे अधिक महत्वाचे आहेत हे प्रसार माध्यमांना पटवून देत होते ते समोर येणं काळाची गरज आहे.
त्यामुळे नव्या पिढीला त्या दुटप्पी भूमिके विषयी सर्व माहिती करून देणे गरजेचे आहे. दरम्यान, आज राम मंदिर हा सर्वाधिक महत्वाचा मुद्दा वाटत असलेल्या शिवसेनेची तत्कालीन भूमिका तरुणांना समजने गरजेचे आहे. त्यामुळे त्याचा व्हिडिओ पुराव्यासकट आम्ही खुलासा करणार आहोत.
