5 August 2020 3:23 PM
अँप डाउनलोड

माजी संरक्षण मंत्री आणि बंदसम्राट जॉर्ज फर्नांडिस यांचे निधन

नवी दिल्ली : देशाचे माजी संरक्षणमंत्री जॉर्ज फर्नांडिस यांचे काल सकाळी दिल्लीतील इस्पितळात निधन झाले. ते ८८ वर्षांचे होते. कामगार नेते, मुंबईच्या सामान्यांशी जोडलेले आणि उभ्या हयातीत मोठी पद भूषवून देखील जमिनीवर राहिलेले, तसेच एकेकाळचे बंदसम्राट अशी जॉर्ज फर्नांडिस यांची ओळख होती.

BhagyaVivah Marathi Matrimonial

मागील अनेक दिवसांपासून जॉर्ज फर्नांडिस यांच्यावर दिल्लीतील मॅक्स केअर इस्पितळात उपचार सुरु होते. जॉर्ज फर्नांडिस यांनी सर्वप्रथम १९६७ साली दक्षिण मुंबई लोकसभा मतदारसंघातून काँग्रेसचे पक्षाचे ज्येष्ठ नेते स. का. पाटील यांचा पराभूत करत पाहुल्यांदा लोकसभेत गेले. परंतु, १९७१च्या लोकसभा निवडणुकीत त्यांना पराभव पत्करावा लागला. दरम्यान, तत्कालीन इंदिरा गांधी सरकारला त्यांनी नेहमीच कडाडून विरोध केला होता. तसेच स्वतंत्र भारताच्या इतिहासातील एकमेव रेल्वे कर्मचारी संपाचे त्यांनी त्याकाळी सर्व शक्तीनिशी नेतृत्व केले होते.

विशेष म्हणजे आणीबाणीच्या काळात सुद्धा त्यांनी तुरुंगवास भोगला होता. १९७७ साली मोरारजी देसाईंच्या नेतृत्वाखाली देशात सत्तारूढ झालेल्या जनता सरकारमध्ये त्यांनी उद्योगमंत्रिपद भूषवले. दरम्यान, जुलै १९७९ मध्ये लोकसभेत काँग्रेस नेते यशवंतराव चव्हाण यांनी मांडलेल्या अविश्वास ठरावावर त्यांनी जनता सरकारच्या बाजूने प्रभावी भाषण केले, पण दुसऱ्या दिवशीच पंतप्रधान मोरारजी देसाईंच्या नेतृत्वावर विश्वास व्यक्त करत त्यांनी स्वतःच्या मंत्रिपदाचा तडकफडकी राजीनामा दिला होता.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

हॅशटॅग्स

संबंधित बातम्या

राहुन गेलेल्या बातम्या

x