पणजी : गोवा प्रदेश महिला काँग्रेस कमिटीच्या सचिव दिया शेटकर यांनी भारतीय जनता पार्टीचे स्थानिक नेते सुभाष शिरोडकर यांच्यावर गंभीर आरोप केले आहेत. सुभाष शिरोडकर यांच्या कार्यकर्त्यांनी मला थेट गँगरेपची धमकी दिल्याचा खळबळ जनक आरोप दिव्या शेटकर यांनी केल्याने गोव्याच्या राजकारणात खळबळ उडाली आहे. दरम्यान, या संदर्भात दिव्या शेटकर यांनी पोलिसात रीतसर लेखी तक्रार दाखल केली आहे.

उपलब्ध माहितीनुसार, सुभाष शिरोडकर यांच्या कार्यकर्त्यांवर दिया शेटकर यांनी थेट आरोप केला आहे. त्यांनी दिलेल्या तक्रारी नुसार, दिव्या शेटकर यांनी ‘रविवारी सकाळी मला एक फोन कॉल आला. फोनवर बोलणारी व्यक्ती मी सुभाष शिरोडकर यांचा कार्यकर्ता असल्याचं सांगत फोनवरून घाणेरड्या शिवीगाळ करत होती. अत्यंत अर्वाच्य आणि उद्धट भाषेत माझ्याशी तो कार्यकर्ता बोलत होता. तसेच बोलताना त्याने आपल्याला जीवे मारण्याची आणि गँगरेपची धमकी दिल्याचे’ त्यांनी तक्रारीत सांगितले आहे. आणि शिरोडा क्षेत्रात तुम्ही जर शिरोडकरांविरोधात आवाज उठवाल तर याद राखा अशी थेट धमकी देत बजावल्याचे दिव्या शेटकर तक्रारीत म्हटल्या आहेत. त्यानुसार स्थानिक पोलीस अधिक तपास करत आहेत.

goa woman congress worker alleges gang rape threat supporter bjp leader