वॉशिंग्टन : पुलवामा जिल्ह्यातील भ्याड हल्ल्यानंतर आंतरराष्ट्रीय स्तरावर देखील परिस्थिती चिघळताना दिसत आहे. जागतिक बलाढ्य देश असलेल्या अमेरिकेतून देखील सतर्कतेचे इशारे दिले जात आहेत. भारत आणि पाकिस्तानमधील परिस्थिती अतिशय भयानक आहे, असे अमेरिकेचे राष्ट्रपती डोनाल्ड ट्रम्प यांनी म्हटले आहे. १४ फेब्रुवारी रोजी झालेल्या पुलवामा दहशतवादी हल्ल्याच्या पार्श्वभूमीवर ते बोलत होते. तसेच भारत आता मोठ्या कारवाईच्या तयारीत आहे, असे ट्विटदेखील त्यांनी केले आहे. त्यांनी पाकिस्तानला सज्जड दम दिला असून १३० कोटी रुपयांची मदत रोखली आहे. पाकिस्तानने अमेरिकेचा विश्वासघात केला असेही ते म्हणाले. दरम्यान, पाकिस्तान आर्थिक अडचणीत असताना ट्रम्प यांनी उचलेलं हे पाऊल म्हणजे भारतासाठी एक प्रकारे मदत समजली जात आहे.

डोनाल्ड ट्रम्प म्हणाले, ‘भारत आणि पाकिस्तानात फार वाईट परिस्थती असून आम्हाला हे शत्रुत्त्व थांबावयाचे आहे. या शत्रुत्त्वामुळे अनेक लोकांना आपले जीव गमवायला लागले, त्यामुळे हे थांबवणे गरजेचे आहे. पुलवामा हल्ल्यानंतर भारत आता मोठी भूमिका घेण्याच्या तयारीत आहे. कारण भारताचे जवळपास ५० जवान या हल्ल्यात मारले गेले. त्यामुळे या देशाची भूमिका समजण्यासारखी आहे. परंतु आम्ही दोन्ही देशांशी बातचीत करत असून ही परिस्थिती बदलण्याचा प्रयत्न करत असल्याचेही त्यांनी सांगितले.

Many peoples could lost their life because of rivalry between india and pakistan