बाळासाहेब ठाकरे मर्द होते तर उद्धव ठाकरे घुटने टेकू: अबू आझमी

मुंबई : स्वबळाची शपथ घेणारे आणि मागील साडेचार वर्ष सत्तेत राहून भाजप आणि मोदींवर टीका करणाऱ्या उद्धव ठाकरे यांनी काही दिवसांपूर्वीच युतीची घोषणा केली आहे. त्यानंतर सर्वच विरोधकांनी शिवसेना आणि उद्धव ठाकरे यांच्यावर निशाणा साधला आहे.

समाजवादी पक्षाचे आमदार अबू आसीम आझमी यांनी आता उद्धव ठाकरेंच्या स्वबळाच्या घोषणेची खिल्ली उडवली आहे. एका कार्यक्रमादरम्यान त्यांनी शिवसेना पक्षप्रमुख उद्धव ठाकरे यांच्यावर जहरी टीका केली आहे. अबू आसीम आझमी म्हणाले, ‘बाळासाहेब ठाकरे मर्द होते तर उद्धव ठाकरे घुटने टेकू आहेत’ अशी बोचरी टीका केली आहे. भाजपवर टीका करून आणि भाजपच्या अल्टिमेटमला घाबरून उद्धव ठाकरे यांनी भूमिका बदलली असं अबू आझमी म्हणाले.

त्यामुळे आगामी निवडणुकीच्या तोंडावर सर्वच विरोधक उद्धव ठाकरेंच्या या धरसोड वृत्तीवर टीका करतील. तसेच स्वबळाची शपथ स्वतःच मोडल्याने पक्षांतर्गत अनेक कुरबुरी समोर येण्यास सुरुवात झाली आहे. सर्वात मोठी कोंडी झाली आहे ती शिवसेना कार्यकर्त्यांची आणि पदाधिकाऱ्यांची जे स्वबळाची घोषणेमुळे निवडणुकीच्या तयारीला लागले होते.