कमला मिल अग्नितांडव प्रकरणी ३ आरोपींचा शोध सुरु.

मुंबई : कालच्या कमला मिल आगप्रकरणी तीन आरोपी आणि हॉटेलचे मालक यांना मुंबई पोलिसांनी लुकआऊट नोटीस जाहीर केली आहे. आरोपी भारता बाहेर पसार होऊ नये म्हणून मुंबई पोलिसांनी शहरातील तसेच देशातील सर्व विमानतळांना सतर्क राहण्याची सूचना केली आहे.

क्रिपेश व जिगर संघवी आणि अभिजित मानकर अशी ‘वन अबव्ह’ हॉटेलच्या मालकांची नवे असून, ते अटकेच्या भीतीने देश सोडून जाण्याची शक्यता लक्षात घेता तीनही आरोपींविरोधात मुंबई पोलिसांनी लुकआऊट नोटीस जाहीर केली आहे. सिग्रिड ऑस्पिटालिया अँड एंटरटेनमेंट असं त्यांच्या मालकीच्या कंपनीचे नावं आहे.

कलमा मिलमधील, कालच झालेल्या अग्नितांडवात जवळपास २२ जण जखमी झाले तर १५ जणांचा आगीत होरपळून आपले प्राण गमावले. हे अग्नीकांड केवळ महापालिकेच्या निष्काळजीपणामुळेच घडले असा आरोप सध्या केला जातोय. या प्रकरणी ५ अधिकाऱ्यांचे निलंबन करण्यात आले असून, राज्यशासनाने हि याची गंभीर दखल घेतली आहे.

भविष्यात अश्या घटना घडू नयेत म्हणून सरकार कोणत्या उपाययोजना करणार याकडेच सर्वांचे लक्ष्य लागून राहिले आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.