ब्यूनस आयर्स : अर्थव्यवस्थेतील काळ्या पैशांविरोधात लढण्यासाठी जगातील सर्व देशांनी एकत्र आले पाहिजे, असे मत भारताच्या पंतप्रधानांनी जी२० परिषदेत उपस्थितांना संबोधित करताना दिले. शुक्रवारपासून ब्यूनस आयर्स येथे सुरु झालेल्या जी-२० सदस्य देशांच्या शिखर परिषदेत मोदींनी अमेरिकेचे राष्ट्राध्यक्ष डोनाल्ड ट्रम्प तसेच जपानचे पंतप्रधान शिंजो आबे यांची विशेष भेट घेतली.

दरम्यान, यावेळी उपस्थित देशांच्या प्रतिनिधींना संबोधित करताना मोदींनी जागतिक मुद्यांवर अधिक भर देताना म्हटले की, आतंकवाद आणि आर्थिक गुन्हे हे जगासमोरील दोन सर्वाधिक मोठे धोके आहेत आणि यांचा सर्वांनाच सामना करावा लागत आहे. त्यासाठी सर्व देशांनी एकत्र येऊन काम करण्याची त्यांनी इच्छा व्यक्त केली.

तसेच, पुढे बोलताना त्यांनी जगातील सर्व विकसनशील देशांना एकजुट होण्याचे आवाहन सुद्धा केले. आपल्याला संयुक्त राष्ट्र आणि इतर बहुपक्षीय संघटनांशी विकसनशील देशांच्या हितासाठी आवाज बुलंद करण्याची खूप गरज आहे. आणि त्यामुळेच आपण ब्रिक्ससाठी एकत्र आलो आहोत, असे मोदींनी म्हटले आहे. दरम्यान त्यांनी उपस्थित अनेक देशांच्या प्रतिनिधींची भेट घेतली.

prime minister of india narendra modi call all nations unite against black money terrorism financial crime threat world