सातारा, १८ सप्टेंबर | शिवप्रतिष्ठान हिंदुस्थानचे संस्थापक संभाजी भिडेगुरुजी यांनी शिवसेनेचे नेते व राज्याचे नगरविकास मंत्री एकनाथ शिंदे यांची महाबळेश्वर तालुक्यातील दरे तर्फ तांब या गावी जाऊन भेट घेतली. भाजप खासदार उदयनराजेंच्या भेटीनंतर लगेच भिडेगुरुजींनी मंत्री शिंदे यांची भेट घेतल्याने राजकीय निरीक्षकांनी भुवया उंचावल्या आहेत. मंत्री एकनाथ शिंदे यांच्या शेतीची भिडेगुरुजी यांनी पहाणी केली. शिंदे यांच्या शेतात गुरुजींच्या हस्ते फणसाचे रोप लावून वृक्षारोपण करण्यात आले. यावेळी खासदार श्रीकांत शिंदे उपस्थित होते.

उदयनराजेंच्या पाठोपाठ संभाजी भिडेगुरुजी एकनाथ शिंदेंच्या भेटीला – Sambhaji Bhide meet minister Eknath Shinde at Satara :

राजकीय वतुर्ळात कुतूहल:
कालच भाजपाचे राज्यसभा सदस्य उदयनराजे भोसले यांनी एकनाथ शिंदे यांची भेट घेतली होती. तराफ्याचा सुकाणू हातात घेत उदयनराजे दरे तर्फ तांब या गावी गेले होते. दोघांतील खोलीबंद चर्चेमुळे राजकीय वतुर्ळात कुतूहल निर्माण झाले आहे. संभाजी भिडे गुरुजी यांना उदयनराजे खूप मानतात. दोघांतील सख्य सर्वश्रुत आहे. या पार्श्वभुमीवर भिडेगुरुजी मंत्री एकनाथ शिंदेंच्या भेटीला गेल्याने राजकीय वर्तुळात तर्क लढवले जात आहेत.

तर्कांना उधाण – After MP Udayanraje Bhosale Sambhaji Bhide meet minister Eknath Shinde :

खासदार उदयनराजे यांनी मराठा आरक्षण व सातारा शहरातील विविध विकासकामे याबाबत भेट घेतल्याचे सांगितले. मात्र, लगेचच दुसऱ्या दिवशी भिडेगुरुजी यांनी भेट घेतल्याने या दोन्ही भेटीमधून नक्कीच वेगळे काय तरी घडणार याची चर्चा आता सुरू झाली आहे. भिडेगुरुजी यांना भेटीबाबत विचारले असता त्यांनी भेटीचे कारण स्पष्ट केले नाही. मात्र, एका तासाहून अधिक काळ चाललेल्या खोलीबंद चर्चेमुळे राजकीय वर्तुळात तर्कवितर्कांना उधान आले आहे. मात्र मंत्री एकनाथ शिंदे यांनी ही सदिच्छा भेट असल्याचे सांगितले.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो करा आणि बातमी नक्की शेअर करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल.

News Title: Sambhaji Bhide meet minister Eknath Shinde at Satara.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.