सिंगापुर : सिंगापूर सध्या फिनटेक फेस्ट सुरु असून स्वतः पंतप्रधान नरेंद्र मोदी यांनी उपस्थिती लावली आहे. दरम्यान, उपस्थितांना संबोधित करताना पंतप्रधान म्हणाले की,”आज तंत्रज्ञानाच्या ताकदीची व्याख्या बदलत असून यात तरुणांचं मोलाचं योगदान आहे. तरुणांची एकूण क्षमता आणि त्यांच्या ऊर्जेवर विश्वास दाखवला पाहिजे, असे वक्तव्य पंतप्रधानांनी भाषणादरम्यान केले. तसेच उपस्थित फिनटेक कंपन्यांच्या प्रतिनिधींना भारतात गुंतवणुक करण्याचे जाहीर निमंत्रण सुद्धा दिले.

दरम्यान, यावेळी त्यांनी जनधन योजनेचा आवर्जून उल्लेख करत भारत सरकारने आर्थिक समावेशनासाठी केलेल्या प्रयत्नांची माहिती सुद्धा उपस्थितांना करून दिली. ते म्हणाले, आमचे सरकार २०१४ मध्ये सर्वांगीण विकासाचे ध्येय ठेवतच सत्तेवर आले. आमच्या सरकारने दुर्गम भागातील सर्व सामान्य लोकांच्या जीवनावर सकारात्मक बदल घडवले आहेत. भारतासारख्या देशात हे सोपे नव्हते. त्यासाठी आर्थिक समावेशनाच्या ठोस आधाराची सुद्धा आम्हाला प्रचंड गरज होती. आज सुमारे १.३ अब्ज भारतीयांसाठी आर्थिक समावेशनाचे हे एक सत्य आहे. आम्ही खूप कमी वेळात १.२ अब्जाहून अधिक बायोमॅट्रिक ओळख असणारे आधार सुद्धा बनवले आहेत असं मोदी म्हणाले.

singapore fintech companies and startups india is your best destination says pm modi in speech