येडियुरप्पा यांनी केली राजीनाम्याची घोषणा!

काही दिवसांपासून चाललेल्या कर्नाटकाच्या नाट्यमय सरकार स्थापनेचा अखेर शेवट झाला आहे. शेवट काहीसा अपेक्षित काहीसा अनपेक्षितच आहे. भाजपने कर्नाटकात चालवेलया पैशाच्या घोडेबाजाराला यश आलं नाही आणि त्यांना सत्तेवर पाणी सोडावा लागलं आहे. कर्नाटक विधानसभेमध्ये भावनिक भाषणानंतर येडियुरप्पा यांनी आपल्या मुख्यमंत्री पदाचा राजीनामा दिला आहे.

जनमतानुसार सर्वात मोठा पक्ष म्हणून आम्हाला सत्ता मिळायला हवी होती पण काही ठिकाणी निसटत्या विजयामुळे आम्ही पूर्ण बहुमतात येऊ शकलो नाही. त्यांनी आपल्या भाषणात जनतेचे आभार देखील मानले.

आमच्याकडे स्पष्ट बहुमत नाही पण बहुमतासाठी मतदान करताना आपण आपल्या अंतर्मनाचा आवाज ऐकावा आणि योग्य तो मतदानाचा निर्णय घ्यावा असे भावनिक आव्हान देखील त्यानी सर्व आमदारांना केले.

अडीच दिवसाचे मुख्यमंत्री राहून त्यांनी अखेर राजीनामा दिला आणि या संपूर्ण नाट्यमय घडामोडींवर पडदा पाडला आणि काँग्रेस – जेडीएसला सत्ता स्थापनेचे आव्हान केले. तरीही जर कर्नाटकात मध्यवर्ती निवडणूका लागल्या तर भाजप संपूर्ण बहुमताचे सरकार निवडून आणेल हा विश्वास व्यक्त केला.