Post Office Scheme | किमान 250 रुपये डिपॉझिट, लाखोंचा फायदा मिळणार, पोस्ट ऑफिसची नफ्याची योजना कोणती?

Post Office Scheme | लोक कल्याणासाठी सरकारकडून अनेक योजना चालवल्या जात आहेत. या योजनांमध्ये सरकार लोकांना आर्थिक मदत करते, तर अनेक बचत योजनाही लोकांसाठी चालवल्या जात आहेत. या बचत योजनांमध्ये गुंतवणूक करून चांगला परतावाही मिळवता येतो. त्याचबरोबर मुलींसाठी चांगल्या गुंतवणुकीची योजनाही सरकारकडून चालवली जात आहे. या योजनेचा दीर्घकालीन फायदा होऊ शकतो.

सुकन्या समृद्धी योजना
पोस्ट ऑफिसच्या माध्यमातून सुरू असलेल्या सुकन्या समृद्धी योजनेबद्दल बोलत आहोत. सुकन्या समृद्धी योजना पोस्ट ऑफिसच्या माध्यमातून चालवली जाते. कोणीही आपल्या मुलीच्या नावे पोस्ट ऑफिसमध्ये सुकन्या समृद्धी खाते उघडू शकतो. या गुंतवणूक योजनेवर ७.६ टक्के दराने व्याज मिळते. त्याचबरोबर या योजनेच्या माध्यमातून अल्पबचतीपासून लाखो रुपये कमावता येतात.

फायदे :
– पालकाच्या माध्यमातून १० वर्षांखालील मुलीच्या नावे खाते उघडता येते.
भारतात मुलीच्या नावे पोस्ट ऑफिस किंवा कोणत्याही बँकेत एकच खातं उघडता येतं.
– एका कुटुंबातील जास्तीत जास्त दोन मुलींसाठी हे खाते उघडता येते. जर जुळ्या/तीन मुलींच्या जन्माच्या बाबतीत दोनपेक्षा जास्त खाती उघडली जाऊ शकतात.
* एका आर्थिक वर्षात किमान २५० रुपये प्रारंभिक ठेवीसह खाते उघडता येते.
* आर्थिक वर्षात २५० ते १.५० लाख रुपयांपर्यंतची एकरकमी रक्कम किंवा हप्ता खात्यात जमा करता येतो. जमा करावयाची रक्कम ५० रुपयांच्या पटीत असावी.
* खाते उघडल्यापासून जास्तीत जास्त १५ वर्षे पूर्ण होईपर्यंत त्यात रक्कम जमा करता येईल.
* एखाद्या आर्थिक वर्षात खात्यात किमान २५० रुपये जमा झाले नाहीत, तर ते खाते डीफॉल्ट अकाउंट समजण्यात येईल.
* या खात्यात जमा झालेली रक्कम आयकर कायद्याच्या कलम ८० सी अंतर्गत वजावटीस पात्र आहे.
* प्रत्येक आर्थिक वर्षाच्या शेवटी खात्यात व्याज जमा होईल.
* आयकर कायद्यानुसार मिळणारे व्याज करमुक्त असते.
* मुलगी प्रौढ होईपर्यंत (म्हणजे १८ वर्षे) हे खाते पालकांमार्फत चालविण्यात येईल.
* मुलगी 18 वर्षांची झाल्यानंतर किंवा 10 वी पास झाल्यानंतर खात्यातून पैसे काढता येतात.
* मागील आर्थिक वर्षअखेर उपलब्ध असलेल्या शिल्लक रकमेपैकी ५० टक्क्यांपर्यंत रक्कम काढता येईल.
* एकरकमी किंवा हप्त्यांमध्ये पैसे काढता येतात.
* याशिवाय खाते उघडण्याच्या तारखेपासून २१ वर्षांनंतर किंवा वयाची १८ वर्षे पूर्ण झाल्यानंतर मुलीच्या विवाहाच्या वेळी खाते परिपक्व होते.
* मात्र काही परिस्थितीमध्ये खाते उघडल्यानंतर 5 वर्षांनी मुदतपूर्व बंदही करता येते.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Post Office Scheme with 250 rupees saving for good return check details on 20 November 2022.