8 December 2021 7:02 PM
अँप डाउनलोड

Jan Ashirwad Yatra | आधी पेट्रोल-डिझेल, गॅस महागाई हे केलेलं पाप धुवून काढा, मग आशीर्वाद मागा - राष्ट्रवादी

Jan Ashirwad Yatra

ठाणे, १९ ऑगस्ट | मोदी सरकारमधील मंत्र्याची सध्या जन आशीर्वाद यात्रा सुरु आहे. देशासह महाराष्ट्रातल्या विविध भागांत-शहरांत अनेक केंद्रीय मंत्री तथा नवनिर्वाचित मंत्री जात आहेत. केंद्रीय लघु आणि मध्यम उद्योग मंत्री नारायण राणे यांनी आजपासून मुंबईमध्ये जन आशीर्वाद यात्रेची (Jan Ashirwad Yatra) सुरुवात केली आहे.

केंद्रीय मंत्री नारायण राणे यांचं सकाळी मुंबई विमानतळावर आगमन झालं आणि त्यानंतर त्यांनी बांद्रा इथे काही स्वागत समारंभात भाग घेतला. त्यानंतर शिवसेनेच्या गड असलेल्या शिवाजी पार्कात स्व. बाळासाहेबांच्या स्मृती स्थळाला भेट देत त्यांना नमन केलं. असं असलं तरी मोदी सरकारने नेमकी काय विकास कामं केली आणि त्याचा सामान्यांना कसा फायदा झाला ते सांगणं सोडून ठाकरे सरकारवर टीका करण्याचा सपाटा लावला आहे.

आधी केलेले पाप धुवून काढा, राष्ट्रवादी काँग्रेसने होर्डिंग्ज लावले (Thane NCP criticized BJP through hoardings over Jan Ashirwad Yatra)

दरम्यान, आधी केलेले पाप धुवून काढा, मगच आशीर्वाद मागा, असा मजकूर असलेले अनेक फलक राष्ट्रवादी काँग्रेसच्या वतीने ठाणे शहरातील विविध पेट्रोल पंपांच्या बाहेर लावले आहेत. गेल्या काही दिवसांपासून देशात पेट्रोल, डिझेल, गॅसचे दर गगनाला भिडू लागले आहेत. एकीकडे महागाईने उच्चांक गाजलेला असतानाच भारतीय जनता पक्षाने जनआशीर्वाद यात्रा काढली आहे. या यात्रेमध्ये मोठ्या प्रमाणात गर्दी केली जात आहे. या यात्रेद्वारे महाराष्ट्रातील जनतेचा आशीर्वाद मागितला जाणार असल्याचे भारतीय जनता पक्षाच्या वतीने सांगण्यात येत आहे. परंतु, इंधनाचे दर गगनाला भिडत असताना जनतेचा आशीर्वाद कोणत्या तोंडाने मागितला जात आहे? असा सवाल करीत हे होर्डिंग्ज लावण्यात आले आहेत.

राष्ट्रवादीच्या होर्डिंग्जवर नेमकं काय लिहिलं?
ठाणे शहरातील सर्वच पेट्रोल पंपांच्या बाहेर असे होर्डिंग्ज लावण्यात आले आहेत. त्यावर भारतीय जनता पक्षाची जनआशीर्वाद यात्रा, पेट्रोल-डिझेल आणि घरगुती गॅसचे दर गगनाला भिडले, आधी केलेलं पाप धुवून काढा, मगच आशीर्वाद मागा, असा मजकूर छापून इंधनाचे दरपत्रकही छापण्यात आले आहे.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे. जर तुम्हाला आमचा हा लेख आवडला असेल तर तुमच्या मित्र मंडळीपर्यंत WhatsApp किंवा Facebook च्या माध्यमातून नक्की शेअर करा. तसेच अयोग्यविषयक प्रकाशित / प्रसारित केलेली बातमी /लेख केवळ आपल्या माहितीसाठी असतो. कृपया त्यांच्याशी संबंधित कोणत्याही वापरापूर्वी एखाद्या तज्ञाचा सल्ला घ्या.

News Title: Thane NCP criticized BJP through hoardings over Jan Ashirwad Yatra news updates.

हॅशटॅग्स

#JanAshirwadYatra(3)

संबंधित बातम्या

राहुन गेलेल्या बातम्या

x