अंधेरीत उत्तर-भारतीय महासंमेलन; राम मंदिर निर्माणाच्या नावाने सेनेत प्रवेशाचा स्टंट, खरं कारण हे आहे?
मुंबई : येत्या २५ किंवा २६ तारखेला अंधेरी पूर्व येथे उत्तर-भारतीय महासंमेलनच्या तयारीने जोर धरला आहे. कारण इथले माजी काँग्रेस नगरसेवक कलमलेश राय हे उत्तर-भारतीय महासंमेलनच्या नावाने शक्तिप्रदर्शन करत शिवसेनेत प्रवेश करणार आहेत असं समजतं. विशेष म्हणजे शिवसेना पक्षप्रमुख उद्धव ठाकरे या संमेलनाला संबोधित करणार असल्याचे वृत्त आहे.
संजय निरुपम समर्थक समजले जाणारे काँग्रेसचे माजी नगरसेवक कमलेश राय सध्या संजय निरुपम याच्यासोबत राजकीय मतभेद झाल्याचे कारण पुढे करत आहेत. तसेच मी केवळ अयोध्येतील राम मंदिर निर्माणासाठी शिवसेनेत प्रवेश करत आहे, असा बहाणा करत अंधेरी पूर्वेला उत्तर-भारतीय महासंमेलन आयोजित करण्याची योजना आखत आहेत. विशेष म्हणजे यासाठी त्यांनी शिवसेना पक्षप्रमुख उद्धव ठाकरे यांना निमंत्रण दिले आहे. असे असले तरी आमच्या सूत्रांनी दिलेल्या माहितीनुसार वेगळेच व्यक्तिगत कारण समोर येत आहे.
काँग्रेसचे माजी नगरसेवक कमलेश राय यांचे अंधेरी पूर्व मरोळ येथे एक अनधिकृत ‘लॉजिंग बोर्डिंग’ बांधकाम होते. त्यावर काही दिवसांपूर्वी महापालिकेने कारवाई करत हातोडा फिरवला आहे. तसेच असं अनधिकृत बांधकाम असल्यास निवडणूक लढविणे सुद्धा भविष्यात कठीण होऊ शकते याची त्यांना पूर्ण कल्पना आहे. त्यामुळे सत्ताधारी शिवसेनेत प्रवेश केल्यास अभय मिळण्याची शक्यता असल्याने राम मंदिरांच्या निर्माणासाठी समर्थन, असा गाजावाजा करत शिवसेनेत प्रवेश करण्याची तयारी कमलेश राय यांनी सुरु केली आहे. त्यांच्यासोबत घनश्याम दुबे हे शिवसेना प्रवेश करणार असल्याचे समजते.
सध्या शिवसेनेत उत्तर भारतीय नेत्यांची मोठी भरतीच सुरु झाली आहे. त्यात शिवसेनेच्या खात्यातील विद्यमान आमदारकीच्या जागा राखण्याचं मोठं आवाहन असणार आहे. सध्या शिवसेनेचे रमेश लटके येथून आमदार आहेत. युती न झाल्यास आणि त्यांच्याविरुद्ध भाजपने जर विद्यमान नगरसेवक मुरजी पटेल यांना उमेदवारी दिल्यास रमेश लटके यांचा मार्ग कठीण होईल. त्यात विशेष बाब म्हणजे या विधानसभा मतदारसंघातील अजून काही नगरसेवक खोट्या जातीच्या दाखल्यामुळे कोर्टकचेरीत अडकल्याचे वृत्त आहे. परंतु, त्यात पुन्हा काँग्रेसचे माजी आरोग्यमंत्री सुरेश शेट्टी निवडणुकीच्या रिंगणात उतरल्यास तेच प्रबळ दावेदार ठरतील. कारण त्यांना मानणारा मोठा उत्तर भारतीय आणि मराठी समाज येथे आहे. तसेच भाजपचे संभाव्य उमेदवार मुरजी पटेल यांच्यासोबत असलेले अनेक कार्यकर्ते पूर्वाश्रमीचे काँग्रेस कार्यकर्ते असल्याने ते कधी काँग्रेसचे माजी मंत्री सुरेश शेट्टी यांना जाऊन भेटतील ते सांगता येत नाही.
त्यामुळे अंधेरी पूर्वेकडील हातात असलेली शिवसेनेची आमदारकीची जागा शिवसेना मजबूत करण्याची तयारी करत आहे. मराठी मतदार गृहीत धरून उत्तर भारतीय मतदारांना आकर्षित करण्यासाठी उत्तर भारतीय नेत्यांना मोठ्या प्रमाणावर पक्ष प्रवेश देण्याचे प्रकार सुरु आहेत. त्यासाठी अयोध्यावारी आणि राम मंदिर निर्माण सारखे विषय पुढे रेटून स्वतःचे राजकीय स्वार्थ पूर्ण करण्याचे स्टंट या मतदार संघात आखले जात आहेत.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Stocks To Buy | बँक FD किती वार्षिक व्याज देईल? पण या बँकेचा शेअर अल्पावधीत 35 टक्के परतावा देईल
- Mastek Share Price | 40 रुपयाच्या शेअरची कमाल! तब्बल 4000 टक्के परतावा दिला, आता एका दिवसात 20% वाढला
- Numerology Horoscope | 22 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा सोमवारचा दिवस कसा असेल
- Gold Rate Today | बापरे! लग्नासराईच्या दिवसातही सोनं खरेदी करणं परवडणार नाही, लवकरच 1 लाख रुपये तोळा होणार
- Numerology Horoscope | 19 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Talbros Auto Share Price | टॅलब्रोस कंपनीची ओरडारबुक मजबूत होताच शेअर्स तेजीत, 2 दिवसात 10 टक्के परतावा
- Jio Financial Services Share Price | जिओ फायनान्शियल शेअरमध्ये चढ-उतार, स्टॉक पुढे तेजीत वाढणार की घसरणार?
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Infosys Share Price | भरवशाचा इन्फोसिस शेअर उसळी घेणार, दिग्गज ब्रोकिंग तज्ज्ञांकडून मोठी टार्गेट प्राईस जाहीर
- Stocks in Focus | मार्ग श्रीमंतीचा! हे टॉप 5 बँकिंग शेअर्स तुम्हाला अल्पावधीत 38 टक्केपर्यंत परतावा देतील, संधी सोडू नका