Kaynes Technology India Share Price | ‘केनेस टेक्नॉलॉजी इंडिया’ या कोअर इलेक्ट्रॉनिक उत्पादन व्यवसायात गुंतलेल्या कंपनीच्या शेअरने बुधवारच्या ट्रेडिंग सेशनमध्ये नवीन विक्रम प्रस्थापित केला आहे. ट्रेडिंग सेशन दरम्यान ‘केनेस टेक्नॉलॉजी इंडिया’ कंपनीचे शेअर्स 19 टक्के वाढीसह 1185 रुपये या आपल्या उच्चांक किंमत पातळीवर पोहचले होते.
मार्च 2023 रोजी संपलेल्या तिमाहीचे मजबूत तिमाही निकाल जाहीर केल्यामुळे ‘केनेस टेक्नॉलॉजी इंडिया’ कंपनीचे शेअर्स तेजीत आले होते. आज गुरूवार दिनांक 18 मे 2023 रोजी या कंपनीचे शेअर्स 3.88 टक्के वाढीसह 1,214.65 रुपये किमतीवर ट्रेड करत आहे.
मार्च 2023 तिमाही कामगिरी :
मार्च 2023 तिमाहीत ‘केनेस टेक्नॉलॉजी इंडिया’ कंपनीने YoY आधारे 108 टक्क्यांच्या वाढीसह 41.3 कोटी रुपये निव्वळ नफा कमावला आहे. त्याच वेळी ‘केनेस टेक्नॉलॉजी इंडिया’ कंपनीने 53 टक्के वाढीसह 364.6 कोटी रुपये महसूल संकलित केला आहे. याशिवाय कंपनीचे EBITDA मार्जिन 16.8 टक्क्यांवर स्थिर होते. 2022-23 या संपूर्ण आर्थिक वर्षात ‘केनेस टेक्नॉलॉजी इंडिया’ कंपनीने 1126 कोटी रुपये महसूल संकलित केला होता.
‘केनेस टेक्नॉलॉजी इंडिया’ कंपनीच्या ऑटोमोटिव्ह, रेल्वे, IT / IOT आणि ग्राहक वर्टिकलमध्ये जोरदार मागणी प्राप्त झाल्याने कंपनीच्या निव्वळ नफ्यात आणि महसुलात वाढ पाहायला मिळाली आहे. ‘केनेस टेक्नॉलॉजी इंडिया’ कंपनी आता आपली क्षमता आणि व्यापार सुधारण्यावर लक्ष देत आहे.
‘केनेस टेक्नॉलॉजी इंडिया’ कंपनीचे शेअर्स 22 नोव्हेंबर 2022 रोजी शेअर बाजारात सूचीबद्ध झाले होते. या कंपनीच्या IPO मध्ये शेअरची इश्यू किंमत 587 रुपये प्रति शेअर निश्चित करण्यात आली होती. ‘केनेस टेक्नॉलॉजी इंडिया’ कंपनीचे IPO शेअर्स 778 रुपये किमतीवर सूचीबद्ध झाले होते. हा स्टॉक इश्यू किमतीपेक्षा 34 टक्क्यांनी वाढला आहे.
‘केनेस टेक्नॉलॉजी इंडिया’ ही भारतातील एक अग्रगण्य एंड-टू-एंड इलेक्ट्रॉनिक्स उत्पादक कंपनी म्हणून काम करते. ही कंपनी इलेक्ट्रॉनिक्स सिस्टम आणि डिझाइन मॅन्युफॅक्चरिंग सेवा प्रदान करते. ‘केनेस टेक्नॉलॉजी इंडिया’ कंपनी मुख्यतः ऑटोमोटिव्ह, औद्योगिक, एरोस्पेस आणि संरक्षण यांसारख्या क्षेत्रात व्यापार करते.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
