IKIO Lighting Share Price | IKIO लायटिंग कंपनीच्या IPO स्टॉकने शेअर बाजारात धमाकेदार एंट्री केली आहे. IKIO लायटिंग कंपनीचे शेअर्स 392.50 रुपये किंमतीवर सूचीबद्ध झाले होते. यामुळे गुंतवणूकदारांना स्टॉक लिस्टिंगच्या पहिल्याच दिवशी 106 रुपये नफा मिळाला. (IKIO Lighting Share Price Today)
शेअरची लिस्टिंग 38.60 टक्के वाढीसह झाली
इंट्रा-डे मधे हा स्टॉक 427.50 रुपये या उच्चांक किमतीवर पोहचला होता. हा IPO स्टॉक प्री-लिस्टिंग दरम्यान 395 रुपये किमतीवर ट्रेड करत होता. आयपीओच्या प्राइस बँडपेक्षा शेअरची लिस्टिंग 38.60 टक्के वाढीसह झाली होती. शुक्रवार दिनांक 16 जून 2023 रोजी या कंपनीचे शेअर्स 41.93 टक्के वाढीसह 404.50 रुपये किमतीवर क्लोज झाला होता.
IPO तपशील
IKIO लायटिंग कंपनीच्या IPO मध्ये शेअरची किंमत बँड 270 रुपये ते 285 रुपये निश्चित करण्यात आली होती. IKIO लाइटिंग IPO 6 जून 2023 रोजी गुंतवणुकीसाठी खुला करण्यात आला होता. या IPO मध्ये गुंतवणूक करण्याची अंतिम मुदत 8 जून 2023 रोजी संपली. या कंपनीच्या IPO बाबत गुंतवणूकदारांमध्ये प्रचंड उत्साह पाहायला मिळाला होता. हा IPO स्टॉक 75 पट अधिक सबस्क्राइब झाला होता . IPO च्या तिसऱ्या दिवशी स्टॉक सर्वाधिक म्हणजे 67.75 पट अधिक सबस्क्राईब झाला होता.
IPO बद्दल थोडक्यात
IKIO लायटिंग कंपनीच्या IPO चा एकूण आकार 350 कोटी रुपये होता. या कंपनीचे शेअर्स BSE आणि NSE या दोन्ही इंडेक्सवर सूचीबद्ध झाले आहेत. या कंपनीच्या IPO मध्ये लॉट साइज 52 शेअर्स निश्चित करण्यात आली होती. यामुळे गुंतवणूकदाराला एक लॉट खरेदी करण्यासाठी 14,820 रुपये जमा करावे लागले होते.
त्याच वेळी IKIO Lighting कंपनीने अँकर गुंतवणूकदारांकडून 181.95 कोटी रुपये भांडवल जमा केले आहे. आयपीओपूर्वी कंपनीच्या प्रवर्तकांनी 100 टक्के भाग भांडवल धारण केले होते, ते IPO नंतर त्यांचा वाटा 72.46 टक्केवर आला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
