एन्काऊंटर स्पेशलिस्ट प्रदीप शर्मा सेना किंवा भाजपातून राजकारणात?
मुंबई : पोलीस दलातील एन्काऊंटर स्पेशलिस्ट मानले जाणारे आणि खंडणी विरोधात कारवाई करून गुंडांची पळताभुई करणारे खंडणी विरोधी पथकाचे पोलीस अधिकारी प्रदीप शर्मा यांनी आपल्या पदाचा राजीनामा दिला आहे. राजकारणात सक्रिय होण्यासाठी प्रदीप शर्मा यांनी आपल्या शासकीय सेवेचा मुदतपूर्व राजीनामा दिला आहे.
राज्यातील आगामी विधानसभा निवडणुकीत ते शिवसेना किंवा भारतीय जनता पक्षाकडून त्यांना मुंबईच्या अंधेरी पूर्व मतदारसंघातून किंवा नालासोपारा या मतदारसंघातून उमेदवारी मिळण्याची दाट शक्यता आहे. त्या दृष्टीने प्रदीप शर्मा यांनी भारतीय जनता पक्षाच्या नेत्यांशी चांगलीच जवळीक वाढवली आहे. त्यामुळे येत्या विधानसभेत युतीकडूनच प्रदीप शर्माची उमेदवारी निश्चित असल्याचं दिसत आहे आणि त्या अनुषंगानेच त्यांनी मुदतपूर्व राजीनामा दिल्याचं म्हटलं आहे.
दरम्यान शर्मा यांनी आपल्या शासकीय सेवेत अनेक महत्वाच्या भूमिका बजावल्या आहेत. त्यांनी आपला बहुतांश काळ हा मुंबईतील गुन्हे शाखा आणि विशेष दलात घालवला आहे. गुन्हे शाखेत असताना शर्मा यांनी तब्बल ११३ गुंडांचा एन्काऊंटर केला आहे. तसेच मागील २ वर्षापासून ठाणे येथे खंडणी विरोधी पथकात कार्यरत होते. मात्र विधानसभा निवडणुकीत उतरण्याची इच्छा असल्याने प्रदीप शर्मा यांनी आपल्या शासकीय सेवेचा राजीनामा दिला आहे.
आगामी विधानसभा निवडणुकीसाठी सर्वच पक्षात निवडून येणाऱ्या आणि समाजातील विविध घटकांशी जोडल्या गेलेल्या व्यक्तिमत्त्वांचा शोध सुरु आहे. दरम्यान मुंबई पोलीस दलातील धडाकेबाज अधिकारी प्रदीप शर्मा यांना स्वतःच्या पक्षात ओढण्यासाठी जवळपास सर्वच पक्षात जोरदार स्पर्धा लागण्याची शक्यता होतीहे. विशेष म्हणजे पोलीस दलात कार्यरत असले तरी प्रदीप शर्मा यांच्या पी. एस. फाउंडेशनने मुंबईतील अंधेरी पूर्व विधानसभा क्षेत्रात मोठी समाज कार्य केली आहेत. अंधेरी पूर्वेतील गरजूंसाठी स्वस्त धान्य भंडार, शैक्षणिक मदत आणि स्वास्थ संबंधित मदत करून प्रदीप शर्मा यांची पी. एस. फाउंडेशन सामान्यांच्या परिचयाची झाली आहे.
दरम्यान, पी. एस. फाउंडेशन अंधेरी पूर्व विधानसभा मतदार संघात सर्व धर्मियांसोबत जोडली गेल्याने, या मतदासंघात प्रदीप शर्मा यांचा समाज कार्याच्या आवाका देखील वाढला आहे. विशेष म्हणजे पी एस फाउंडेशनसोबत अंधेरी पूर्वेतील सर्वच पक्षातील पदाधिकारी सभासद म्हणून जोडले गेल्याने, विधानसभा निवडणुकीच्या अनुषंगाने प्रदीप शर्मा यांच्या सारख्या समाजकार्यातून सामान्यांशी जोडल्या गेलेल्या आणि डॅशिंग अधिकारी म्हणून सर्वश्रुत असलेल्या व्यक्तीला स्वतःच्या पक्षात घेण्यासाठी अनेकांनी जोरदार प्रयत्नं सूर केले होते. प्रदीप शर्मा यांना स्वतःच्या पक्षात घेण्यासाठी भाजप देखील आग्रही होता आणि स्वतः प्रदीप शर्मा यांचे भाजपच्या दिल्लीतील नेत्यांशी मैत्रीपूर्ण संबंध असल्याने त्याचा त्यांना फायदा होऊ शकतो. त्यामुळे समाज कार्य आणि धाडसी अधिकारी म्हणून ओळख असलेले प्रदीप शर्मा विधानसभा निवडणुकीच्या अनुषंगाने नक्की कोणता निर्णय घेणार ते पाहावं लागणार आहे. मात्र त्यांच्या राजकीय प्रवेशाच्या बातमीने अंधेरी पूर्व विधानसभा क्षेत्रातील इच्छुक असलेले शिवसेनेचे विद्यमान आमदार रमेश लटके, माजी नगरसेवक कमलेश राय आणि भाजपचे माजी नगरसेवक मुरजी पटेल यांचे धाबे दणाणले आहेत असं वृत्त आहे.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Stocks To Buy | बँक FD किती वार्षिक व्याज देईल? पण या बँकेचा शेअर अल्पावधीत 35 टक्के परतावा देईल
- Mastek Share Price | 40 रुपयाच्या शेअरची कमाल! तब्बल 4000 टक्के परतावा दिला, आता एका दिवसात 20% वाढला
- Numerology Horoscope | 23 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा मंगळवारचा दिवस कसा असेल
- Numerology Horoscope | 22 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा सोमवारचा दिवस कसा असेल
- Numerology Horoscope | 19 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Talbros Auto Share Price | टॅलब्रोस कंपनीची ओरडारबुक मजबूत होताच शेअर्स तेजीत, 2 दिवसात 10 टक्के परतावा
- Jio Financial Services Share Price | जिओ फायनान्शियल शेअरमध्ये चढ-उतार, स्टॉक पुढे तेजीत वाढणार की घसरणार?
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Infosys Share Price | भरवशाचा इन्फोसिस शेअर उसळी घेणार, दिग्गज ब्रोकिंग तज्ज्ञांकडून मोठी टार्गेट प्राईस जाहीर
- IPO GMP | लॉटरी लागेल पहिल्याच दिवशी, स्वस्त IPO आला, GMP चा धुमाकूळ, अशी संधी सोडू नका