फडणवीस नागपूर व मुंबई अशा २ मतदारसंघातून निवडणूक लढण्याची शक्यता

मुंबई : राज्यात आता विधानसभा निवडणुकीचे वारे वाहू लागताच सर्वच पक्षातून नवनवीन बातम्या येत आहेत. विशेष करून भारतीय जनता पक्षात सर्वात वेगाने घडामोडी घडताना दिसत आहेत. विधानसभा निवडणुकीच्या अनुषंगाने भारतीय जनता पक्षाने जोरदार मोर्चेबांधणी सूर केली केली आहे. त्यानुसार या विधानसभेला स्वतः मुख्यमंत्री देवेंद्र फडणवीस राज्यातील २ जागांवर निवडणूक लढवणार असल्याचं वृत्त आहे.

त्यानुसार नागपूर आणि मुंबई अशा २ ठिकाणाहून मुख्यमंत्री देवेंद्र फडणवीस विधानसभा निवडणुकीच्या रिंगणात उतरणार असल्याची माहिती समोर आली आहे. मुख्यमंत्री देवेंद्र फडणवीस यांच्यासाठी मुंबईतही एका मतदारसंघाची चाचपणी करण्यात येत आहे. यासाठी मुंबईतील मलबार हिल विधानसभा मतदारसंघ हा सुरक्षित पर्याय देण्यात आला आहे.

दरम्यान, विधानसभा निवडणुकीच्या पार्श्वभूमीवर भारतीय जनता पक्षाच्या गोटातून रोज नवीन माहिती ऐकायला मिळत आहे. त्यामुळे राजकीय वर्तुळातून रोज नवीन उमेदवारांची नावं समोर येत आहेत.