श्रीनगर: जम्मू-काश्मीरमध्ये बिगर काश्मिरी मजुर दहशतवाद्यांचे लक्ष; हल्ल्यांमध्ये वाढ

श्रीनगर: जम्मू-काश्मीर येथे लाल चौकात दहशतवादी हल्ला झाला. ग्रेनेडचा हल्ला करुन दहशतवाद्यांनी लाल चौकाला लक्ष्य केले. यात एका नागरिकाचा मृत्यू झाला, तर अन्य १२ जण गंभीर जखमी झाल्याची माहिती मिळतेय. जखमींना उपचारार्थ रुग्णालयात भरती करण्यात आले आहे. दहशतवाद्यांनी हा हल्ला श्रीनगरच्या हरि सिंह हाय स्ट्रीटवर केला.

Jammu and Kashmir: 10 injured in a grenade attack in a market on Maulana Azad road in Srinagar.More details awaited. pic.twitter.com/ZUiWlV5E60

— ANI (@ANI) November 4, 2019

जम्मू-काश्मीरचा विशेष राज्याचा दर्जा संपवल्यानंतर चिडलेल्या दहशतवाद्यांनी आता ट्रक ड्रायव्हर, व्यापारी आणि इतर राज्यांतील मजुरांना लक्ष्य करणे सुरू केले आहे. यापूर्वी देखील दहशतवाद्यांनी बिगर काश्मिरी मजुरांची हत्या केली होती. १५ दिवसांमध्ये दहशतवाद्यांनी ४ ट्रक ड्रायव्हर, एक सफरचंदाचा व्यापारी आणि दुसऱ्या राज्यातून आलेल्या सहा मजुरांची हत्या केली आहे.

#UPDATE Jammu and Kashmir: 15 people injured in a grenade attack in a market on Maulana Azad Road in Srinagar. https://t.co/LYAa5UHght pic.twitter.com/ic4LuXq8g4

— ANI (@ANI) November 4, 2019

श्रीनगरच्या मौलाना आझाद मार्गावरील बाजारात आज दुपारी झालेल्या या हल्ल्यात एकाचा मृत्यू तर तब्बल १५ जण जखमी झाले आहेत. दहशतवाद्यांनी भरगर्दी असलेल्या बाजारात सुरक्षेसाठी तैनात असलेल्या जवानांना लक्ष्य करण्याचा प्रयत्न केला. सैन्य दल आणि पोलिसांकडून हल्ला घडवून आणणाऱ्या दहशतवाद्यांना शोधण्यासाठी संयुक्त मोहिम राबविण्यात आली आहे. मागील १५ दिवसांत दहशतवाद्यांनी केलेला हा दुसरा हल्ला आहे.