राज ठाकरे हे मराठी कलावंतांची आणि मराठी माणसाची 'जाण' असलेले... - संजय नार्वेकर

मुंबई: मुंबईत राज ठाकरे यांच्या महाराष्ट्र नवनिर्माण सेनेचं आज पहिलं राज्यव्यापी महाअधिवेशन सुरू आहे. गोरेगावच्या नेस्को सेंटरमध्ये गुरुवारी सकाळी दहा वाजता या अधिवेशनाला सुरुवात झाली आहे. या अधिवेशनामध्ये मनसेनं आपल्या नव्या झेंड्याचं अनावरण केलं आहे. महाराष्ट्र नवनिर्माण सेनेकडून जोरदार शक्तिप्रदर्शन करत भगव्या रंगाचा झेंडा आणि त्यावर छत्रपती शिवाजी महाराजांची ‘राजमुद्रा’ असं याचं स्वरूप आहे.

दरम्यान, या महाअधिवेशनात चित्रपट सेनेचे उपाध्यक्ष आणि अभिनेते संजय नार्वेकर यांनी सांस्कृतिक महाराष्ट्र हा ठराव मांडला. संजय नार्वेकर यांनी राज ठाकरेंसोबतचा अनुभव व्यक्त केला. राज साहेबांनी मध्यमवर्गातून आलेल्या माझ्यासारख्या अनेक कलावंतांना स्वस्त दरात घरं मिळवित म्हणून पाठपुरावा केला. राज साहेब कायम मराठी कलावंताच्या पाठिशी उभे राहिले. मराठी माणसांसाठी लढणारा त्यांची जाणीव असणारा हा जाणता राजा आहे, अशा शब्दात नार्वेकर यांनी राज ठाकरेंना धन्यवाद दिले. या महाअधिवेशनात संजय नार्वेकरांनी कलाकारांच्या हक्कासाठी अनेक मुद्दे मांडले.

“गडकिल्ले संवर्धन, नाट्यगृहांची दुरावस्था सुधारावी. प्रायोगिक रंगभूमी जोपासणं ती वृद्धिंगत करणं गरजेचं. मराठी चित्रीकरणासाठी एक खिडकी परवानगी कक्ष स्थापन व्हावा आणि मराठी चित्रपटांना हक्काचं स्थान मिळालाच पाहिजे. त्यासाठी आम्ही कार्यरत राहू.” – संजय नार्वेकर#मनसे_अधिवेशन

— MNS Adhikrut (@mnsadhikrut) January 23, 2020

मराठी चित्रीकरणासाठी एक खिडकी परवानगी कक्ष स्थापन व्हावा, नाट्यगृहांची अवस्था सुधारणे, प्रायोगिक रंगभूमी जोपासणे आणि मराठी चित्रपटांना प्राइम टाइम मिळावा यासाठी प्रयत्न करणार असल्याचे नार्वेकरांनी सांगितले. याशिवाय गडकिल्ले संवर्धनांसाठीही तत्पर असल्याचे यावेळी नार्वेकरांनी ठरावात मांडले.

संजय नार्वेकर यांनी ‘छत्रपतींची स्मारके असलेल्या महाराष्ट्रातील गडकिल्ल्यांचे संवर्धन करून त्यांचा इतिहास जतन करणे गरजेचं आहे. हा विचार खरंच खूप मोठा आहे. पाश्चिमात्य देशात आपण जेव्हा कला सादर करायला जातो. तेव्हा काही वेळ मिळतो म्हणून आम्ही थोडंफार फिरतो. महाराष्ट्रातला टुमदार बंगला जो तिथे किल्ला म्हणून दाखवला जातो. त्याचा इतिहास फार काही नसतो, थोडाफार असतो. पण त्याचं नाट्यरुपांतर करून तो दाखवला जातो. त्याच्यापेक्षा खूप मोठा इतिहास आमच्या महाराष्ट्रात आहे’ असं म्हटलं आहे.

“गडकिल्ले संवर्धन, नाट्यगृहांची दुरावस्था सुधारावी. प्रायोगिक रंगभूमी जोपासणं ती वृद्धिंगत करणं गरजेचं. मराठी चित्रीकरणासाठी एक खिडकी परवानगी कक्ष स्थापन व्हावा आणि मराठी चित्रपटांना हक्काचं स्थान मिळालाच पाहिजे. त्यासाठी आम्ही कार्यरत राहू.” – संजय नार्वेकर#मनसे_अधिवेशन

— MNS Adhikrut (@mnsadhikrut) January 23, 2020

Web Title:  Marathi Actor Sanjay Narvekar said MNS Chief Raj Thackray is Janta Raja.