मनसेला पोटशूळ, आम्ही शिवाजी पार्कात विद्यूत रोषणाई करतोय | मनसे केवळ दिवाळीत रोषणाई करते - विशाखा राऊत

मुंबई, १३ ऑगस्ट | शिवसेनेचे खासदार सदा सरवणकर यांनी भारतीय जनता पक्षाचे आमदार नितेश राणे यांच्या विरोधात मोठं विधान केलं आहे. दादर, माहीम परिसरात कार्यालय उघडणाऱ्या भाजप आणि भाजप नेते नितेश राणे यांच्यावर शिवसेनेचे आमदार सदा सरवणकर कडाडले आहेत. त्यांना कितीही दुकाने उघडू द्या. त्यांना दादर, माहीमच काय कोकणातही जिंकू देणार नाही, असा दावाच आमदार सदा सरवणकर यांनी केला आहे.

दादर-माहीम मतदारसंघाचे शिवसेना आमदार सदा सरवणकर आणि मुंबई महानगरपालिका सभागृह नेत्या विशाखा राऊत यांच्या हस्ते माहीम इथे शिव भोजन केंद्राचे उद्घाटन करण्यात आलं. यावेळी हा इशारा देण्यात आला. भारतीय जनता पक्षाला दादर, माहीममध्ये प्रवेश मिळणार नाही. भाजप आणि नितेश राणे यांनी अशी अनेक दुकाने उघडली आहे. त्यांनी कितीही दुकाने उघडू द्या. नितेश राणेंना आम्ही त्यांच्या कोकणातल्या मतदार संघात ही जिंकू देणार नाही, असा इशारा सरवणकर यांनी दिला आहे.

मनसेला नेहमीच पोटशूळ:
यावेळी मुंबई महापालिकेच्या सभागृह नेत्या विशाखा राऊत यांनी महाराष्ट्र नवनिर्माण सेनेवर टीकास्त्र सोडलं आहे. मनसेचा प्रत्येक गोष्टीत विरोध असतो. मनसेला पोटशूळ येतं. आम्ही शिवाजी पार्कात विद्यूत रोषणाई करत आहोत. मनसे केवळ दिवाळीत रोषणाई करते, असं सांगतानाच शिवसेनेच्या पहिल्यापासून शिवाजी पार्कमध्ये सभा झाल्या मग इतरांनी सभा घेऊ नये असे आम्ही म्हणतो का? शिवाजी पार्कवर सर्वांचाच अधिकार आहे, असं राऊत म्हणाल्या.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे. जर तुम्हाला आमचा हा लेख आवडला असेल तर तुमच्या मित्र मंडळीपर्यंत WhatsApp किंवा Facebook च्या माध्यमातून नक्की शेअर करा. तसेच अयोग्यविषयक प्रकाशित / प्रसारित केलेली बातमी /लेख केवळ आपल्या माहितीसाठी असतो. कृपया त्यांच्याशी संबंधित कोणत्याही वापरापूर्वी एखाद्या तज्ञाचा सल्ला घ्या.

News Title: Shivsena leader Vishakha Raut criticized MNS party news updates.