Ind vs NZ 3rd T20I : न्यूझीलंड'समोर विजयासाठी १८० धावांचे आव्हान

हॅमिल्टन: तिसऱ्या टी-२० सामन्यात न्यूझीलंडने नाणेफेक जिंकल्यानंतर भारताला फलंदाजीसाठी पाचारण केलं. रोहित शर्मा आणि के एल राहुलने भारताला आक्रमक सुरूवात करून दिली. रोहित शर्मी-राहुलने ८९ धावांची भागिदारी केली. सलामीची जोडी फुटल्यानंतर भारताच्या ठरावीक अंतराने विकेट पडल्या. शिवम दुबेला कर्णधाराने तिसऱ्या स्थानावर पाठवले. मात्र, त्याला याचा फायदा घेता आला नाही.

न्यूझीलंडविरुद्धच्या तिसऱ्या टी-२० सामन्यात भारताचा हिटमॅन रोहित शर्माला एक खास विक्रम स्वत:च्या नावावर केला. सेडन पार्कवर झालेल्या २३ चेंडूत ५० धावांची धमाकेदार खेळी केली. या अर्धशतकासह त्याने क्रिकेटमधील एक विक्रम केला. रोहितने आजच्या तिसऱ्या सामन्यात २३ चेंडूत ३ षटकार आणि ५ चौकारांसह अर्धशतक केले. यासह आंतरराष्ट्रीय क्रिकेटमध्ये ओपनर म्हणून त्याच्या १० हजार धावा पूर्ण झाल्या आहेत.

विराट व श्रेयस अय्यर यांनी किवी गोलंदाजांचा समाचार घेतला. श्रेयस १७ धावांवर माघारी परतला. विराटनं 25वी धाव घेताच आणखी एका विक्रमाला गवसणी घातली. टीम इंडियाकडून ट्वेंटी-२० क्रिकेटमध्ये सर्वाधिक धावा करणारा कर्णधाराचा मान कोहलीनं पटकावला. त्यानं महेंद्रसिंग धोनीला ( १११२) मागे टाकले. या विक्रमात दक्षिण आफ्रिकेचा फॅफ ड्यु प्लेसिस ( १२७३) आणि केन विलियम्सन ( ११३४) आघाडीवर आहेत. बेन्नेटनं 19व्या षटकात कोहलीला बाद केले. त्यानं २७ चेंडूंत ३८ धावा केल्या. भारतानं २० षटकांत ५ बाद १७९ धावा केल्या.

 

View this post on Instagram

 

LO and Behold! 🔥💥 The Hitman is on song in Hamilton 🔝😎 #TeamIndia #NZvIND

A post shared by Team India (@indiancricketteam) on Jan 28, 2020 at 11:31pm PST

Web Title:  India vs New Zealnd 3rd T20i Rohits stunning 50 Pandey Jadejas finish help India Post.