'पा’दरे’ पावटेंच्या सल्ल्याची मनसेला गरज नाही; अमेय खोपकरांचा भाजपच्या बोलघेवड्यांना टोला

मुंबई : महाराष्ट्र नवनिर्माण चित्रपट सेनेचे अध्यक्ष अमेय खोपकर यांनी भाजप नेते आणि विधानपरिषदेचे विरोधी पक्षनेते प्रवीण दरेकर आणि राम कदम यांच्यावर टीका केली आहे. “पा’दरे’ पावटेंच्या इशाऱ्यांना आपण अजिबातच भीक घालत नाही आणि त्यांच्या सल्ल्याची राज ठाकरे आणि आम्हांला काडीचीही गरज नाही”, असं अमेय खोपकर यांनी ट्वीट करत प्रवीण दरेकर आणि राम कदम यांच्यावल निशाणा साधला.

मनसेच्या जीवावर मोठे होऊन ज्यांनी मनसेला ‘रामराम’ ठोकला आणि बेडूकउड्या मारुन दुसऱ्या पक्षाची लाचारी सुरु केली,त्यांनी मनसेला शिकवण्याचा आगाऊपणा करु नये.
पा’दरे’ पावटेंच्या इशाऱ्यांना आपण अजिबातच भीक घालत नाही आणि त्यांच्या सल्ल्याची राजसाहेब आणि आम्हांला काडीचीही गरज नाही.

— Ameya Khopkar (@MNSAmeyaKhopkar) February 5, 2020

महाराष्ट नवनिर्माण सेनेच्या जीवावर मोठे होऊन ज्यांनी मनसेला ‘रामराम’ ठोकला आणि बेडूकउड्या मारुन दुसऱ्या पक्षाची लाचारी सुरु केली, त्यांनी महाराष्ट नवनिर्माण सेनेला शिकवण्याचा आगाऊपणा करु नये, अशा शब्दात महाराष्ट्र नवनिर्माण चित्रपट सेनेचे अध्यक्ष अमेय खोपकर यांनी विधानपरिषदेचे विरोधी पक्षनेते प्रवीण दरेकर आणि भाजप नेते राम कदम यांच्यावर टीका केली आहे.

विचारधारा वगैरे शब्द दरेकरांच्या तोंडी शोभत नाहीत. सत्तेची ऊब ज्यांना सतत हवीहवीशी वाटते आणि त्यासाठी कसल्याही तडजोडी करण्याची तयारी असते त्या दरेकरांनी विचारधारेवर बोलणं हा आजचा सर्वात मोठा विनोद आहे.

— Ameya Khopkar (@MNSAmeyaKhopkar) February 5, 2020

राम कदम यांना जुने दिवस आता आठवत नसतील कदाचित, पण जेव्हा ते महाराष्ट नवनिर्माण सेनेमध्ये होते तेव्हासुद्धा बाळासाहेबांवर आमची नितांत श्रद्धा होती आणि आजही आहे. महाराष्ट नवनिर्माण सेना आता शिवसेनेच्या मार्गावर आहे वगैरे बोलून आपली अक्कल पाजळू नका. कोण सत्तेच्या मागावर आहे हे आम्ही पुरेपूर ओळखून आहोत, असं म्हणत खोपकर यांनी राम कदम यांंच्यावर निशाणा साधला आहे.

मनसेच्या जीवावर मोठे होऊन ज्यांनी मनसेला ‘रामराम’ ठोकला आणि बेडूकउड्या मारुन दुसऱ्या पक्षाची लाचारी सुरु केली,त्यांनी मनसेला शिकवण्याचा आगाऊपणा करु नये.
पा’दरे’ पावटेंच्या इशाऱ्यांना आपण अजिबातच भीक घालत नाही आणि त्यांच्या सल्ल्याची राजसाहेब आणि आम्हांला काडीचीही गरज नाही.

— Ameya Khopkar (@MNSAmeyaKhopkar) February 5, 2020

मनसेने आपली विचारधारा सोडली तर भारतीय जनता पक्षासोबत घेण्याचा विचार करु असं विधान विरोधी पक्षनेते प्रविण दरेकर यांनी केलं होतं. त्यावरुन अमेय खोपकर म्हणाले की, विचारधारा वगैरे शब्द दरेकरांच्या तोंडी शोभत नाहीत. सत्तेची ऊब ज्यांना सतत हवीहवीशी वाटते आणि त्यासाठी कसल्याही तडजोडी करण्याची तयारी असते त्या दरेकरांनी विचारधारेवर बोलणं हा आजचा सर्वात मोठा विनोद आहे असा टोला त्यांनी लगावला.

Web Title:  MNS Leader Amey Khopkar slams BJP MLA Ram Kadam and MLA Praveen Darekar.