'बात बिहार की'..निवडणूक रणनितीकार प्रशांत किशोर कल्पना चोरतात?

पाटणा: प्रसिद्ध निवडणूक प्रचार रणनितीकार प्रशांत किशोर यांच्याविरोधात बिहारमध्ये फसवणुकीचा गुन्हा दाखल करण्यात आला आहे. बिहारमधील मोतीहारी येथील रहिवासी शाश्वत गौतम यांची कल्पना चोरल्याचा आरोप प्रशांत किशोर यांच्यावर ठेवण्यात आला आहे. लाईव्ह हिंदुस्तानने या संदर्भातील वृत्त प्रसिद्ध केले आहे.

‘बात बिहार की’ ही नवी प्रचार मोहिम प्रशांत किशोर यांनी काही दिवसांपूर्वी सुरू केली. ही कल्पना आपली असल्याचे शाश्वत गौतम यांनी आपल्या तक्रारीत म्हटले आहे. आपला एक माजी सहकारी ओसामा याने ही कल्पना प्रशांत किशोर यांना सुचविली आणि ती त्यांनी जशीच्या तशी वापरली, असे शाश्वत गौतम यांचे म्हणणे आहे. शाश्वत गौतम यांनी ओसामा यांच्याविरोधातही तक्रार दाखल केली आहे.

#Bihar – प्रसिद्ध निवडणूक प्रचार रणनितीकार प्रशांत किशोर यांच्याविरोधात बिहारमध्ये फसवणुकीचा गुन्हा दाखल करण्यात आला आहे. बिहारमधील मोतीहारी येथील रहिवासी शाश्वत गौतम यांची ‘बात बिहार की’ ही कल्पना चोरल्याचा आरोप प्रशांत किशोर यांच्यावर ठेवण्यात आला आहे. pic.twitter.com/WlAhHp3Wvn

— महाराष्ट्रनामा न्यूज (@MahanamaNews) February 27, 2020

पूर्वी चंपारण्य जिल्ह्यातील एका इंजिनियने ‘बिहार की बात’ या त्यांच्या कॅम्पेनची प्रशांत किशोर यांनी चोरी केल्याचा आरोप केला. त्यानंतर पोलिसांनी प्रशांत किशोर यांच्या विरोधात कलम ४२० अंतर्गत फसवणुकीचा गुन्हा दाखल केला आहे. पाटणा पोलिसांना देण्यात आलेल्या एफआयआरमध्ये प्रशांत किशोर यांच्यासोबत पाठणा विद्यापीठातील विद्यार्थी नेता ओसामा याचेसुद्धा नाव आहे.

Bihar: FIR registered against political strategist Prashant Kishor in Patna under sections 420 (cheating & dishonestly inducing delivery of property) & 406 (punishment for criminal breach of trust) of the IPC for alleged plagiarism in his ‘Bihar ki Baat’ campaign. (file pic) pic.twitter.com/JL0jk7bmwo

— ANI (@ANI) February 27, 2020

शाश्वत गौतम हे आधी काँग्रेस पक्षाचे सदस्य होते. तर ओसामा यांनी पाटणा विद्यापीठामध्ये विद्यार्थी निवडणूक लढविली होती. शाश्वत गौतम यांनी आपल्या तक्रारीमध्ये म्हटले आहे की, बिहार की बात या नावाने आपण जानेवारीमध्येच एक डोमेन नेम आरक्षित करून ठेवले होते. त्यानंतर फेब्रुवारीमध्ये प्रशांत किशोर यांनी फेब्रुवारीमध्ये या नावाने नवी वेबसाईट सुरू केली.

News English Summery: A few days ago Prashant Kishore launched the new campaign ‘Baat Bihar Ki’. In his complaint Shashwat Gautam said that the idea was yours. Shashwat Gautam says that Osama, a former colleague, suggested the idea to Prashant Kishore and used it as he did. Shashwat Gautam has also filed a complaint against Osama.

Web Title: story Youth accuses I PAC founder Prashant Kishor of copying his idea forgery case filed.