समस्त पृथ्वीवरच नैसर्गिक रोगराईचं संकट, भेंडवळचं भाकित

बुलढाणा, २७ एप्रिल: इतर देशांपेक्षा भारतातील कोरोनाव्हायरस घातक नाही, असं तज्ज्ञांनी म्हटलं होतं. मात्र काही राज्यांमधील कोरोनाव्हायरसची परिस्थिती पाहता या राज्यांमध्ये कोरोनाव्हायरसचा घातक स्ट्रेन सक्रिय झाल्याची शक्यता वर्तवली जाते आहे. यामध्ये गुजरात आणि मध्य प्रदेश या राज्यांचा समावेश आहे.

गुजरात आणि मध्य प्रदेशमध्ये कोरोनाव्हायरस रुग्णांची संख्या झपाट्याने वाढते आहे. अशात गुजरात बायोटेक्नोलॉजी रिसर्च सेंटरने (Gujarat Biotechnology Research Centre – GBRC) नुकत्याच केलेल्या एका संशोधनानुसार, चीनच्या वुहानमध्ये जो घातक असा L टाइप (L strain) कोरोनाव्हायरस दिसून आला तोच गुजरातमध्येही आहे आणि गुजरामधील मृत्यूदर जास्त असण्यामागे हेच कारण असू शकतं. तर दुसरीकडे केरळमध्ये कोरोनाव्हायरसचा S स्ट्रेन (S strain) दिसून आहे, जो L पेक्षा कमजोर आहे आणि त्यामुळेच केरळमधील मृत्यूदर कमी असण्याची शक्यता वर्तवली जाते आहे. एकूण जगात आता अत्यंत गंभीर परिस्थिती निर्माण झालेली असताना राज्यातील बुलढाणा येथील प्रसिद्ध भविष्यवाणीची परंपरा असलेल्या भेंडवळचं भाकित समोर आलं आहे.

त्यानुसार यावर्षी चारही महिन्यात पाऊस सर्वसाधारण आणि चांगल्या स्वरुपात राहिल. अतिवृष्टी आणि नासाडीही होईल. पृथ्वीवर नैसर्गिक रोगराईचे संकट येईल आणि देशाची आर्थिक स्थितीही कमकुवत होईल असा अंदाज या भाकितात नोंदवण्यात आला आहे. तसेच आर्थिक स्थिती खालावल्याने तणाव वाढेल. परकियांची घुसखोरी होईल आणि संरक्षण खात्यावर ताण राहिल. तसंच त्यामुळे त्रास सहन करावा लागेल असंही या भाकितात म्हटलं आहे. सारंगधर महाराज यांनी हे भाकित वर्तवलं आहे.

News English Summary: The tradition of bhendwal bhavishaywani prediction has continued as their predictions have now come to the fore. Rainfall will be normal and good in all four months of this year. There will also be excess rain and destruction. The prediction is that there will be a natural disease crisis on Earth and the country’s economic situation will weaken.

News English Title: Story Maharashtra bhendwal bhavishaywani prediction for rain earth and world corona crisis News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.