भीषण! अमेरिकेत लॉकडाउनविरोधात बंदुका घेऊन आंदोलन

वॉशिंग्टन, १ मे: कोरोना विषाणूने सर्वाधिक प्रभावित अमेरिका झाली असून आतापर्यंत ६३ हजार नागरिकांनी प्राण गमावले असून, १० लाखांहून अधिक लोकांना या विषाणूचा संसर्ग झाला आहे. जगभरातील कुठल्याही देशातील ही सर्वाधिक संख्या आहे. अमेरिकेसाठी दिलासादाक बाब म्हणजे आतापर्यंत एक लाख ५५ हजार जणांनी या महामारीचा पराभव केला आहे.

कोरोना विषाणूच्या संसर्गाच्या पार्श्वभूमीवर अमेरिकेमध्ये लागू केलेली सुरक्षित वावरासंबंधीच्या मार्गदर्शक तत्त्वांची मुदत आज गुरुवारी संपत असून, ही मुदत वाढविणार नसल्याचे अध्यक्ष डोनाल्ड ट्रम्प यांनी गुरुवारी स्पष्ट केले. दरम्यान, ट्रम्प यांचे जावई व सल्लागार जेरेड कुश्नेर यांनी येत्या जुलै महिन्यापर्यंत अमेरिकेला पुन्हा एकदा वैभव प्राप्त होईल, असे म्हटले आहे.

अमेरिकेत एका बाजूला करोनाचा कहर सुरू असताना दुसरीकडे लॉकडाउन हटवण्यासाठी नागरिक रस्त्यावर उतरले आहेत. लॉकडाउनविरोधात आंदोलन करणाऱ्यांनी बंदुका घेऊन आंदोलन केले. अमेरिकेतील मिशिगन राज्यात हे आंदोलन झाले. तर, अमेरिकेत करोनाच्या संसर्गाने गुरुवारी दोन हजारांहून अधिक जणांना मृत्यू झाला आहे.

लॉकडाउनच्या विरोधात याआधीदेखील निदर्शने झाली होती. गुरुवारी मात्र, मिशिगनमध्ये आंदोलकांनी बंदुका हातात घेऊन आंदोलन केले. आंदोलकांनी मिशिगन राज्याच्या प्रशासकीय इमारतीत घुसण्याचा प्रयत्न केला. यावेळी पोलिसांसोबत वादावादी झाली. एएफपी या वृत्तसंस्थेने दिलेल्या वृत्तानुसार, आंदोलकांनी बुलेटप्रूफ जॅकेटही घातले होते. आंदोलक हे रिपब्लिकन पक्षाचे समर्थक असल्याची चर्चा आहे.

Armed US protesters enter Michigan capitol to demand lockdown endhttps://t.co/4H40S9a7CH pic.twitter.com/v28qUyUF8q

— AFP news agency (@AFP) May 1, 2020

News English Summary: There have been protests against the lockdown before. On Thursday, however, protesters in Michigan carried guns. The protesters tried to break into the Michigan state administration building. This time there was an argument with the police. The protesters also wore bulletproof jackets, according to AFP. The protesters are rumored to be supporters of the Republican Party.

News English Title: Story Armed US protesters enter Michigan capitol to demand lockdown end News Latest Updates.