उद्धव ठाकरे यांच्या बिनविरोध निवडीचा मार्ग मोकळा

मुंबई, ११ मे: कोरोनाच्या संकटकाळात विधान परिषद निवडणूक बिनविरोध व्हावी अशी शिवसेना-राष्ट्रवादीची इच्छा असतानाही काँग्रेसने दुसऱ्या उमेदवाराची घोषणा केल्याने रविवारी दिवसभर महाविकास आघाडीत राजी-नाराजीचे नाटय़ रंगले. मुख्यमंत्री उद्धव ठाकरे यांनी तीव्र नाराजी व्यक्त के ल्यानंतर आघाडीच्या नेत्यांची बैठक होऊन काँग्रेसने एकच उमेदवार उभा करण्याचा निर्णय घेतल्याने ही निवडणूक बिनविरोध होण्याचा मार्ग मोकळा झाला.

शिवसेना पक्षप्रमुख, मुख्यमंत्री उद्धव बाळासाहेब ठाकरे यांनी आज विधानभवन येथे विधानपरिषद सदस्य पदाच्या निवडणुकीसाठी शिवसेना पक्षाच्या वतीने उमेदवारी अर्ज दाखल केला. pic.twitter.com/6vWKrx6tzS

— Office of Uddhav Thackeray (@OfficeofUT) May 11, 2020

विधान परिषदेच्या नऊ जागांसाठी २१ मे रोजी निवडणूक होणार आहे. महाविकास आघाडीनं ५, तर भाजपानं ४ जणांना उमेदवारी दिल्यानं ही निवडणूक बिनविरोध होणार आहे. आज मुख्यमंत्री उद्धव ठेकरेंसोबत शिवसेनेच्या नेत्या निलम गोऱ्हे यांनीदेखील उमेदवारी अर्ज दाखल केला. तर राष्ट्रवादीकडून शशिकांत शिंदे आणि अमोल मिटकरी यांनी उमेदवारी अर्ज भरला. विधान परिषदेच्या निवडणुकीसाठी अर्ज दाखल करण्याचा आज शेवटचा दिवस आहे.

राष्ट्रवादीचे अध्यक्ष शरद पवार यांनी थोरातांशी संपर्क साधत निवडणूक बिनविरोध व्हावी, अशी भूमिका मांडली. शिवसेनेच्या सर्व ज्येष्ठ नेत्यांनी थोरात यांचे मन वळवण्यासाठी सकाळपासूनच प्रयत्न सुरू केले होते. अखेर सायंकाळी सह्य़ाद्री अतिथीगृहावर महाविकास आघाडीच्या नेत्यांची बैठक झाली. या बैठकीत काँग्रेसने एकच उमेदवार उभा करावा हे प्रदेशाध्यक्ष थोरात यांनी मान्य केले.

News English Summary: After Chief Minister Uddhav Thackeray expressed his displeasure, a meeting of the leaders of the alliance was held and the Congress decided to field a single candidate, paving the way for the election to be held without any opposition.

News English Title: Story Chief Minister Uddhav Thackeray files nomination form for MLC election News Latest Updates.