महाविकास आघाडी सरकार मजबूत आहे, चिंता नसावी – संजय राऊत

मुंबई, २६ मे: राष्ट्रवादीचे अध्यक्ष शरद पवार यांनी काल सकाळी राजभवनावर जाऊन राज्यपाल भगतसिंग कोश्यारी यांची भेट घेतली. त्यानंतर सायंकाळी ते मुख्यमंत्री उद्धव ठाकरे यांच्या भेटीसाठी मातोश्रीवर दाखल झाले. यावेळी शिवसेना खासदार संजय राऊत हेदेखील उपस्थित होते. या भेटीनंतर राजकीय वर्तुळात चर्चांना मोठे उधाण आले असून सरकारच्या स्थिरतेवर प्रश्नचिन्ह उपस्थित केले जात आहेत. मात्र ‘कुणी सरकारच्या स्थिरतेबाबत बातम्यांचा धुरळा उडवीत असतील तर ती निव्वळ पोटदुखी समजावी. सरकार मजबूत आहे, चिंता नसावी’, असे स्पष्टीकरण संजय राऊत यांनी दिले आहे.

आज सकाळी ट्विट करून संजय राऊत यांनी कालच्या भेटीबाबत माहिती दिली. ते म्हणाले, ‘माननीय शरद पवार व मुख्यमंत्री उद्धव ठाकरे यांची काल संध्याकाळी मातोश्रीवर भेट झाली. दोन्ही नेत्यांमध्ये दीड तास चर्चा झाली. कुणी सरकारच्या स्थिरतेबाबत बातम्यांचा धुरळा उडवीत असतील तर ती निव्वळ पोटदुखी समजावी. सरकार मजबूत आहे, चिंता नसावी.’

मा. शरद पवार व मुख्यमंत्री ऊदधव ठाकरे यांची काल संध्याकाळी मातोश्रीवर भेट झाली. दोन नेत्यात दिड तास चर्चा झाली. कुणी सरकारच्या स्थिरते बाबत बातम्यांचा धुरळा ऊडवीत असतील तर ती निव्वळ पोटदुखी समजावी. सरकार मजबूत आहे. चिंता नसावी.
जय महाराष्ट्र !!@PawarSpeaks @CMOMaharashtra

— Sanjay Raut (@rautsanjay61) May 26, 2020

सोमवारी दुपारी शरद पवार राज्यपालांना भेटले, राज्यपालांनीच त्यांना भेटीसाठी बोलवलं होतं. तर त्यानंतर सायंकाळी भाजपचे खासदार नारायण राणे राज्यपालांना भेटले आणि त्यांनी थेट राज्यात राष्ट्रपती राजवट लागू करण्याची मागणी केली. त्यापूर्वी दोन दिवस आधी संजय राऊतही राज्यपालांना भेटून आले होते. त्याआधी भाजपने महाविकास आघाडी सरकारविरोधात केलेल्या आंदोलनातून महाविकास आघाडी सरकारच्या अपयशावर आरोप केले होते. तर भाजपचे नेते राजभवनवर जाऊन महाविकास आघाडी सरकारची तक्रारही करून आले होते.

News English Summary: This morning, Sanjay Raut tweeted about yesterday’s meeting. He said, “Hon’ble Sharad Pawar and Chief Minister Uddhav Thackeray met Matoshri last evening. The two leaders had an hour and a half discussion. If anyone is dusting off the news about the stability of the government, it should be considered as a stomach ache. The government is strong, don’t worry.

News English Title: The Mahavikas Aghadi government is strong said Shivsena MP Sanjay Raut News Latest Updates.