प्रकृतीच्या कारणास्तव जपानचे पंतप्रधान शिंजो अबे राजीनामा देणार

टोकियो, २८ ऑगस्ट : जपानचे पंतप्रधान शिंजो अबे प्रकृतीच्या कारणास्तव पदाचा राजीनामा देणार आहेत. शिंजो अनेक महिन्यांपासून आजारी आहेत. त्यांना अनेकदा रुग्णालयात दाखल करावं लागतं. त्यामुळेच अबे पंतप्रधान पदावरून पायउतार होणार आहेत. त्यांच्याकडून लवकरच याबद्दलची अधिकृत घोषणा केली जाऊ शकते. शिंजो अबे यांना गेल्या आठवड्याभरात दोनदा रुग्णालयात दाखल करण्यात आलं होतं. अबे राजीनामा देणार असल्याचं वृत्त समोर येताच जपानचा शेअर बाजार कोसळला.

मागील काही दिवसांपासून आबे यांनी प्रकृतीसंदर्भातील तक्रारीमुळे दोन वेळा रुग्णालायला भेट दिल्यानंतरच त्यांच्या राजीनाम्यासंदर्भातील चर्चांना उधाण आलं होतं. मागील बऱ्याच काळापासून आबे यांना आतड्याच्या सुजेने होणाऱ्या अल्सरचा त्रास आहे. आजच यासंदर्भातील निर्णय होणार असून संध्याकाळपर्यंत आबे पत्रकार परिषद घेऊन यासंदर्भातील घोषणा करतील असं सांगितलं जात आहे.

News English Summary: Japanese Prime Minister Shinzo Abe is set to resign, public broadcaster NHK said on Friday, adding that the long-serving leader wanted to avoid causing problems for the government due to the worsening of a chronic health condition.

News English Title: Japan Prime Minister Shinzo Abe health deteriorated will resign Prime Minister post News Latest Updates.