...आणि मूर्तिकारांना राज ठाकरेंनी दुसरा व्यावसायिक धोका सुद्धा लक्षात आणून दिला

मुंबई, ७ ऑक्टोबर : लॉकडाऊनच्या काळात जिम मालक चालक, मुंबईतील डबेवाले अशा विविध क्षेत्रातील लोकांनी राज ठाकरे यांची भेट घेतली होती. त्यानंतर पेणमधील मूर्तीकार यांनी आज राज ठाकरे यांच्या भेटीला पोहोचले आहेत. केंद्र सरकारने प्लॅस्टर ऑफ पॅरिस (POP) वापरण्यावर बंदी घालण्यात आली आहे. ही बंदी उठवावी, या मागणीसाठी मूर्तीकारांनी राज ठाकरे यांची भेट घेतली.

करोना संकटाच्या काळात लॉकडाऊनमुळं येणाऱ्या अडचणी विविध व्यावसायिकांनी व विविध क्षेत्रातील लोकांनी राज ठाकरे यांच्यासमोर मांडल्या होत्या. तसंच, यावर तोडगा काढण्याची मागणीही केली होती. त्यांच्या मागण्यांसाठी पाठपुरावा करण्याचं आश्वासनही राज यांनी दिलं होतं. यावेळेही पेणमधील मूर्तीकारांना राज ठाकरे यांनी एक महत्त्वाचा सल्ला तसंच, एक धोक्याची सूचनाही दिली आहे.

राज ठाकरे यांनी मात्र यावेळी मूर्तिकांना प्लास्टर ऑफ पॅरिसच्या मूर्तीच्या जागी शाडूच्या मूर्ती करण्याचा सल्ला दिला. “प्लास्टर ऑफ पॅरिसमुळे नदी, समुद्र यात मोठ्या प्रमाणात प्रदूषण होतं. विसर्जनानंतर चौपाट्यांवर त्यावर असंख्य गणपतीच्या मूर्ती दिसतात. हे चित्र फार भीषण असतं. इतक्या श्रद्धेने ज्या गणपती बाप्पाची पूजा, विसर्जन करतो तीच मूर्ती किनाऱ्याजवळ असलेलं दृष्य बघायला खूप विदारक असतं. त्यामुळे शक्य असेल तितक्या शाडूच्या किंवा मातीच्या मूर्ती बनवणं हे जास्त संयुक्तिक असेल,” असं राज ठाकरे यांनी मूर्तिकारांना सांगितलं.

राज ठाकरेंनी मूर्तिकांना वेगळा विचार करुन पाहण्याचा सल्ला दिला आहे. यावेळी त्यांनी उद्या जर परदेशातून मूर्ती आल्या तर तुम्ही काहीही करु शकत नाही अशी धोक्याची सूचनाही दिली. राज ठाकरेंनी यावेळी मूर्तिकारांना पर्यायी मार्गाचा विचार करण्याचा सल्ला देताना आपण समुद्रात विसर्जनासाठी काही वेगळा पर्याय उपलब्ध होईल का यासंबंधी सरकारमधील व्यक्तीशी चर्चा करु असं आश्वासन दिलं.

News English Summary: During the lockdown, Raj Thackeray was met by people from various areas like gym owner, driver, Dabewale in Mumbai. After that, the idol makers from Pen city has reached to meet Raj Thackeray today. The central government has banned the use of plaster of Paris (POP). The sculptors met Raj Thackeray to demand lifting of the ban.

News English Title: MNS Chief Raj Thackeray comment after meeting with Pen idol maker Marathi News LIVE latest updates.