VIDEO | मुंबईतील कोविड रुग्णालयातील आग सतर्क कर्मचाऱ्यांनी विझवली

मुंबई, २९ ऑक्टोबर: मुंबईतील पश्चिम उपनगरात असलेल्या दहिसर येथील कांदरपाडा परिसरात कोरोना बाधित रुग्णांच्या उपचारासाठी असलेल्या कोविड रुग्णालयात अचानक आग लागली. यावेळी रुग्णालयातील परिचारिकेने वेळीच प्रसंगावधान दाखवत मोठी दुर्घटना टाळली आहे. कोरोना बाधित रुग्णआंवर उपचारासाठी दहिसर येथील कांदरपाडा रुग्णालयात असलेल्या अतिदक्षता उपचार केंद्रात एका रुग्णाच्या शेजारी असलेल्या वैद्यकीय उपकरणाला अचानक आग लागली. यावेळी घाबरून न जाता आणि प्रसंगावधान राखत तेथे उपस्थित परिचारिकांसह वैद्यकीय अधिकारी आणि कर्मचाऱ्यांनी ही आग विझवली.

दहिसर कांदरपाडा आयसीयू केंद्रात वैद्यकीय संयंत्राला लागलेली आग वेळीच विझवली

प्रसंगावधान राखणाऱ्या परिचारिका, वैद्यकीय कर्मचाऱ्यांचे सर्वांकडून कौतुक pic.twitter.com/dRB1aytjer

— महाराष्ट्रनामा न्यूज (@MahaNewsConnect) October 29, 2020

दहिसर येथील कांदरपाडा येथे कोरोना बाधित रुग्णांवर उपचारासाठी १०० रुग्णांवर उपचार करण्याची क्षमता असलेले सुसज्ज असे अतिदक्षता उपचार केंद्र कार्यान्वित आहे. हे रुग्णालय मुंबई महानगरपालिकेच्यावतीने संचालन करण्यात येत आहे. या केंद्रात २९ ऑक्टोबर २०२० रोजी दुपारी २ वाजून ११ मिनिटांच्या सुमारास एका रुग्णाच्या शेजारील एचएफएनसी (हाय फ्लो नोझल कॅनूला) यंत्राने अचानक पेट घेतला. त्यावेळी रुग्णाच्या शेजारी असलेल्या अनुपमा तिवारी यांनी हे संयंत्र रुग्णापासून दूर केले आणि त्या यंत्राचा वीजपुरवठा बंद केला. मुंबई महानगरपालिकेने आपल्या ट्वीटर अकाऊंटवर या घटनेचा सीसीटीव्ही व्हिडिओ अपलोड केला आहे.

News English Summary: A fire broke out at covid Hospital in the Kanderpada area of ​​Dahisar in the western suburbs of Mumbai for the treatment of corona-infected patients. At this time, the nurse of the hospital has avoided the big accident by showing timely situation. A medical device next to a patient caught fire at the intensive care unit at Kanderpada Hospital in Dahisar for the treatment of corona-infected patients. The fire was put out by the medical officers and staff along with the nurses present there without any panic and keeping the situation under control.

News English Title: Fire caught in Mumbai Dahisar Kandarpada covid hospital News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.