अर्णब गोस्वामी प्रमाणेच राम कदम म्हणाले 'कान खोलकर सुन लो'...अगर

मुंबई, 8 नोव्हेंबर : Republic TV’चे मुख्य संपादक अर्णब गोस्वामी यांची रवानगी आज तळोजा कारागृहात करण्यात आली. त्यानंतर विरोधकांनी पुन्हा राज्य सरकारवर आरोप करण्यास सुरुवात केली आहे. दरम्यान, अर्णब गोस्वामींना अटक केल्याच्या निषेधार्थ भारतीय जनता पक्षाचे आमदार राम कदम (BJP MLA Ram Kadam) यांनी लाक्षणिक उपोषण केले होते. शुक्रवारी सकाळी आमदार राम कदम हे मंत्रालयाच्या गेटसमोर फुटपाथवर आंदोलनाला बसले, त्यावेळी त्यांनी डोक्याला काळी पट्टी बांधून अर्णब गोस्वामींच्या अटकेचा निषेध करत महाविकास आघाडी सरकारवर थेट दडपशाहीचा आरोप केला.

त्यानंतर, आज पुन्हा एकदा अर्णब गोस्वामींच्या सुटकेसाठी राम कदम यांनी प्रभादेवी येथील सिद्धीविनायकाला (Prabhadevi Siddhivinayak Temple) साकडे घातले आहे. तसेच, अर्णब गोस्वामींच्या सुटकेनंतरच आम्ही दिवाळी साजरी करू, असे देखील कदम यांनी प्रसार मध्यमांशी संवाद साधताना म्हटले. आमदार राम कदम यांनी घाटकोपर येथील त्यांच्या निवासस्थानापासून ते प्रभादेवीच्या सिद्धिविनायक मंदिरापर्यंत पदयात्रा केली, त्यावेळी अर्णब यांच्या सुटकेसाठी श्री सिद्धीविनायकाला साकडे देखील घालण्यात आले.

महाराष्ट्र सरकार कान खोलकर सुन ले यदी #ArnabGoswami के सर के बालको भी धक्का लगा . तो अब यह देश की जनता बर्दाश्त नहीं करेगी अरे दुर्योधनका भी अहंकार नहीं टिका यह भूल मत जाना . बहोत जल्द तुम्हें इसकी क़ीमत चुकानी होगी #ArnabWeAreWithYou #EmergencyInMaharashtra #ArnabLifeIsInDanger

— Ram Kadam – राम कदम (@ramkadam) November 8, 2020

महाविकास आघाडी सरकारला अर्णब गोस्वामी यांना या प्रकरणात अडकवायचे आहे. त्यामुळेच त्यांची रवानगी थेट तळोजा कारागृहात करण्यात आली. अर्णब यांच्या केसाला जरी धक्का लागला तर, देशातील जनता हे कदापी सहन करणार नाही. येत्या काळात ठाकरे सरकारला त्याची किंमत चुकवावी लागेल, असा इशारा देखील कदम यांनी दिला.

News English Summary: For the release of Arnab Goswami, Ram Kadam has placed Prabhadevi Siddhivinayak Temple at Prabhadevi. “We will celebrate Diwali only after the release of Arnab Goswami,” Kadam told reporters. MLA Ram Kadam walked from his residence in Ghatkopar to Prabhadevi’s Siddhivinayak temple, at which time Shri Siddhivinayaka was also laid to rest for Arnab’s release.

News English Title: BJP MLA Ram Kadam warn state government after shifting Arnab Goswami to Taloja Jail news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.