दमछाक होतं कसेबसे नवव्या फेरीत जिंकून आणि लॉटरी लागून झालेले आमदार - मंत्री सतेज पाटील

पुणे, २३ नोव्हेंबर: पुणे पदवीधर मतदारसंघाच्या मागच्या निवडणुकीत भारतीय जनता पक्षाचे प्रदेशाध्यक्ष चंद्रकांत पाटील हे लॉटरी लागून निवडून आलेले होते. कारण, आठव्या नवव्या फेरीमध्ये त्यांना विजय मिळाला होता अशी टीका गृहराज्यमंत्री सतेज पाटील यांनी केली आहे. पुणे विभाग पदवीधर मतदार संघ आणि शिक्षक मतदारसंघातील उमेदवार अरुण लाड आणि जयंत साळगावकर यांच्या प्रचारासाठी मंत्री सतेज पाटील हे पंढरपूरात आले होते. यावेळी त्यांनी पत्रकारांशी संवाद साधताना ही टीका केली.

यावेळी बोलताना सतेज पाटील यांनी भारतीय जनता पक्षावर देखील जोरदार टीका केली आहे.भारतीय जनता पक्षाच्या विचारांना थांबवणं ही काळाची गरज आहे. त्यामुळेच राज्याच्या सत्तेमध्ये महाविकास आघाडीतील घटक एकत्र आलेले असल्याचं सतेज पाटील यांनी म्हटलं आहे. तर यावेळी महाविकास आघाडीचा विजय पक्का असल्याचा विश्वासही त्यांनी बोलून दाखवला.

दुसरीकडे “देवेंद्र फडणवीस यांना राष्ट्रवादीने कधीही टरबुज्या म्हटलेले नाही. पण चंद्रकांतदादांच्या नावाचा शॉर्टफॉर्म ‘चंपा’ असा होतो. त्यामुळे त्यांनी या गोष्टीचा राग मानून घेऊ नये”, अशा शब्दात राष्ट्रवादी काँग्रेस पक्षाचे प्रदेशाध्यक्ष आणि मंत्री जयंत पाटील यांनी भाजपा प्रदेशाध्यक्ष चंद्रकांत पाटील यांच्या आरोपांना उत्तर दिले. पुणे पदवीधर मतदारसंघाचे महाविकास आघाडीचे उमेदवार अरूण लाड यांच्या प्रचारार्थ आज पुण्यात यांच्या अध्यक्षतेखाली मेळावा झाला. त्यावेळी त्यांनी प्रसारमाध्यमाशी संवाद साधला.

News English Summary: Bharatiya Janata Party state president Chandrakant Patil was elected by lottery in the last election of Pune graduate constituency. Minister of State for Home Affairs Satej Patil has said that they had won in the eighth and ninth rounds. Minister Satej Patil had come to Pandharpur to campaign for Pune Division Graduate Constituency and Teachers Constituency candidates Arun Lad and Jayant Salgaonkar. He made the remarks while interacting with reporters.

News English Title: Minister Satej Patil slams BJP state President Chandrakant Patil news updates.