शेतकरी आंदोलनात चीन- पाकिस्तानचा हात असल्यास केंद्राने सर्जिकल स्ट्राईक करावा

मुंबई, १० डिसेंबर: “हे आंदोलन चालू आहे. हे शेतकऱ्यांचं आंदोलन नाही. याच्या पाठीमागे चीन आणि पाकिस्तानचा हात आहे. या देशामध्ये पहिल्यांदा मुस्लीम समाजाला उचकवलं आणि सांगितलं सीएए आणि एनआरसीमुळे मुस्लिमांना देशातून बाहेर जावं लागेल”. एखादा तरी मुसलमान बाहेर गेला का?,” असं रावसाहेब दानवेंनी म्हटलं होतं.

यावर विविध पक्षाकडून तीव्र प्रतिक्रिया उमटत आहेत. केंद्रीय राज्यमंत्री आणि भारतीय जनता पक्षाचे खासदार रावसाहेब दानवे (BJP MP Raosaheb Danve) यांनी केलेल्या वक्तव्यावर संजय राऊत यांनी प्रतिक्रिया दिली असून पुरावे देण्याची मागणी केली आहे. इतकंच नाही तर केंद्रानं सर्जिकल स्ट्राईक करावा असं आवाहनही केलं आहे. ते मुंबईत पत्रकारांशी बोलत होते. केंद्रीय राज्यमंत्री आणि भाजपा नेते रावसाहेब दानवे यांनी शेतकरी आंदोलनामागे देशाबाहेरील षडयंत्र असून चीन आणि पाकिस्तानचा हात असल्याचा दावा केला आहे. हे शेतकऱ्यांचं आंदोलन नाही असंही ते म्हणाले आहेत.

तत्पूर्वी “रावसाहेब दानवे यांचा डीएनए हिंदुस्थानचा आहे, की पाकिस्तानचा हे एकदा चेक करावे लागेल,” अशी घणाघाती टीक राज्यमंत्री बच्चू कडू (MahaVikas Aghadi minister Bacchu kadu) यांनी केली. ते मुंबईत बोलत होते. यावेळी त्यांनी रावसाहेब दानवे (BJP MP Raosaheb Danve) यांनी केलेल्या वक्तव्याचा समाचार घेतला.

News English Summary: Shivsena MP Sanjay Raut has reacted to a statement made by Union Minister of State and Bharatiya Janata Party MP Raosaheb Danve and demanded proof. Not only that, the Center has also called for a surgical strike. He was talking to reporters in Mumbai.

News English Title: Shivsena MP Sanjay Raut slams BJP MP Raosaheb Danve over controversial statement against protesting farmers news updates.