अदानी, अंबानींच्या तुकड्यांवर जगणारे शेतकऱ्यांना तुकडे-तुकडे गँग म्हणत आहेत - प्रशांत भूषण

नवी दिल्ली, १६ डिसेंबर: काल शिरोमणी अकाली दलाचे प्रमुख सुखबीर सिंग बादल यांनी भारतीय जनता पार्टीवर जोरदार हल्लाबोल केला. भारतीय जनता पक्ष देशातील खरी तुकडे-तुकडे गँग असून शेतकरी आंदोलनादरम्यान देश तोडल्याचा आरोप सुखबीर सिंग बादल यांनी केला होता. भारतीय जनता पार्टीने राष्ट्रीय एकताचे तुकडे केले आहेत, निर्लज्जपणे मुस्लिमांविरूद्ध हिंदूंना भडकावले आहे. आता ते आपल्या शीख बांधवांच्या विरोधात असे करत आहेत. देशप्रेमी पंजाबला भाजपा जातीय आगीत ढकलत आहे, असा शब्दात सुखबीर सिंग बादल यांनी भारतीय जनता पार्टीवर निशाणा साधला होता.

दरम्यान, विरोधकांनी देखील सरकारवरील हल्ले सुरूच ठेवले आहेत. याच दरम्यान ज्येष्ठ वकील प्रशांत भूषण यांनी देखील भारतीय जनता पक्ष आणि पंतप्रधान नरेंद्र मोदींवर तिखट शब्दात निशाणा साधला आहे. अदानी आणि अंबानींच्या तुकड्यांवर जगणारे लोक शेतकऱ्यांना तुकडे तुकडे गँग म्हणत आहेत अशा शब्दांत वकील प्रशांत भूषण यांनी टीकास्त्र सोडलं आहे. प्रशांत भूषण यांनी आपल्या ट्विटर अकाऊंटवरून याबाबत एक ट्विट केलं आहे. अदानी आणि अंबानींच्या तुकड्यांवर जगणारे लोक आज आपल्या शेतकऱ्यांना तुकडे तुकडे गँग म्हणत आहेत. आता मोदी चौकीदार आहेत हे मान्यच करावं लागेल. प्रश्न फक्त इतका आहे की ते चौकीदारी कोणाची करतात. अदानी-अंबानींची की शेतकऱ्यांची? असं त्यांनी ट्विटमध्ये म्हटलं आहे. Senior lawyer Prashant Bhushan criticized Modi Government over new farm laws.

अब तो मानना पड़ेगा कि मोदी जी चौकीदार हैं। सवाल सिर्फ इतना है की चौकीदारी किसके लिए करते हैं: अदानी अंबानी के लिए, या किसानों के लिऐ https://t.co/pu2WtRq6py

— Prashant Bhushan (@pbhushan1) December 15, 2020

दुसरीकडे राजधानी दिल्ली आणि दिल्लीच्या सीमेवर कृषी विधेयकाविरोधात शेतकरी ठाण मांडून बसलाय. शेतकरी आंदोलनाचा आज २१ वा दिवस आहे. मात्र, या शेतकऱ्यांच्या अडचणीत दिल्लीतील थंडी आणखीनच वाढ करणार असं दिसतंय. दिल्लीमध्ये पारा ४ अंश सेल्सिअसपर्यंत खाली घसरलेला दिसतोय. यामुळे, कोरोना संक्रमण काळात आपल्या मागण्यांसाठी रस्त्यावर उतरलेल्या शेतकऱ्यांना आणखीनच अडचणींचा सामना करावा लागू शकतो.

News English Summary: Senior lawyer Prashant Bhushan has also slammed the Bharatiya Janata Party and Prime Minister Narendra Modi. “People living on Adani and Ambani’s pieces are calling farmers gangs,” said lawyer Prashant Bhushan. Prashant Bhushan tweeted about this from his Twitter account. “People living on Adani and Ambani’s pieces are now calling their farmers piecemeal gangs. Now we have to admit that Modi is a watchman. The only question is who does the watchdog. Adani-Ambani or the farmers?” That’s what he said in a tweet.

News English Title: Senior lawyer Prashant Bhushan criticized Modi Government over new farm laws news updates.