सदर प्रकरण धनंजय मुंडे यांची कौटुंबिक आणि खासगी बाब - संजय राऊत

मुंबई, १४ जानेवारी: खासगी आणि कौटुंबिक गोष्टी या त्याच पातळीवर सोडवायच्या असतात. त्यामध्ये राजकारण आणायचे नसते. विशेषत: राजकारण्यांनी या गोष्टीचे भान ठेवले पाहिजे, असे वक्तव्य शिवसेना खासदार संजय राऊत यांनी केले.

आज ते मुंबईत प्रसारमाध्यमांशी बोलत होते. यावेळी त्यांना राष्ट्रवादी काँग्रेसचे नेते धनंजय मुंडे यांच्यावर करण्यात आलेल्या बलात्काराच्या आरोपांविषयी विचारणा करण्यात आली. तेव्हा संजय राऊत यांनी हे प्रकरण धनंजय मुंडे यांची कौटुंबिक आणि खासगी बाब असल्याचे सांगितले. त्यामुळे यावरुन कोणतेही राजकारण होता कामा नये, असे संजय राऊत यांनी सांगितले.

शेतकऱ्यांनी सुप्रीम कोर्टात जाऊन कोणतीही मागणी केली नाही. त्यांनी सरकराकडे मागणी केली आहे. न्यायपालिका कायदे बनवत नाही. केंद्र सरकार बनवते. न्यायालयाने बनविलेली कमिटी ही प्रो कायद्यांची आहे. केंद्राने कायदे मागे घेतले तर काही सरकार पडेल असे होणार नाही. मोठे बहुमत आहे. मात्र, या समितीकडून शेतकऱ्यांना न्याय मिळेल असे शेतकऱ्यांना वाटत नाहीय. शेतकऱ्यांसाठी माघार घेतली तर केंद्र सरकारची प्रतिमा तळपून निघेल, असे राऊत म्हणाले.

News English Summary: Today, Sanjay Raut was talking to the media in Mumbai. He was asked about the allegations of rape against NCP leader Dhananjay Munde. Sanjay Raut then said that the case was a family and private matter of Dhananjay Munde. Therefore, there should be no politics on this, said Sanjay Raut.

News English Title: Shivsena MP Sanjay Raut talked on minister Dhananjay Munde case news updates.