मुंबई, १४ जानेवारी: फ्रान्स सरकारने भारतीय भौतिकशास्त्रज्ञ आणि प्राध्यातिका रोहिणी गोडबोले यांचा ‘नॅशनल ऑर्डर ऑफ मेरिट’ हा बहुमानाचा पुरस्कार देऊन गौरव केला आहे. मूळच्या पुण्याच्या असणार्‍या रोहिणी गोडबोले यांना भारत आणि फ्रान्स यांच्यातील संयुक्त संशोधन प्रकल्पांसोबत मूलभूत विज्ञान संशोधनात महिलांचे प्रमाण वाढावे, यासाठी दिलेल्या योगदानासाठी या सर्वोच्च पुरस्काराने गौरवण्यात आले आहे.

प्राध्यापिका गोडबोले या पद्मश्री पुरस्कार विजेत्या आहेत. सध्या त्या बेंगळुरू येथील ‘इंडियन इन्स्टिट्यूट ऑफ सायन्स’मधील (आयआयएस्सी) ‘सेंटर फॉर हाय एनर्जी फिजिक्स’मध्ये कार्यरत आहेत. 1995 साली त्यांनी या संस्थेत असोसिएट प्रोफेसर म्हणून काम करण्यास सुरू केले. आयआयटी मुंबई मधून मास्टर्स तर theoretical particle physics मध्ये पीएचडी अमेरिकेच्या स्टेट युनिवर्सिटी ऑफ न्यू यॉर्क मध्ये पीएचडी करण्यासाठी गेल्या.

फ्रान्सची राष्ट्रीय संशोधन संस्था असणाऱ्या ‘सीएनआरएस’च्या ‘इंडो-फ्रेंच लॅबोरेटरी इन थिअरॉटिकल हाय एनर्जी फिजिक्स’सोबत त्यांनी मूलभूत संशोधनाचे प्रोजेक्ट्स केले आहेत. ‘सीएनआरएस आणि आयआयएस्सी’च्या संयुक्त संशोधन प्रकल्पांनी मोठे यश देखील संपादन केले आहे.

 

News English Summary: Congratulations to Prof Rohini Godbole (CHEP) on being awarded the Order National du Mérite, among the highest distinctions bestowed by France! She has been recognised for contributions to collaborations b/w France & India and commitment to promoting enrolment of women in science.

News English Title: Indian Physicist professor Rohini Godbole conferred with french order of merit news updates.

प्राध्यापिका रोहिणी गोडबोलेंना फ्रान्स सरकारचा मानाचा ‘नॅशनल ऑर्डर ऑफ मेरिट’ पुरस्कार