मोदी सुरक्षित तर देश सुरक्षित | मोदींनी मीडियासमोर कोरोना लस टोचून घ्यावी

मुंबई, २५ जानेवारी: देशात कोरोना प्रतिबंधक लसीकरण १६ जानेवारीपासून सुरू होत आहे. पंतप्रधान नरेंद्र मोदी यांच्या हस्ते या मोहिमेचे उद्घाटन होणार आहे. याआधी केंद्र सरकारने राज्यांना लसीकरणासंबंधी नियमावली पाठवली आहे. या नियमावलीत लसीकरणादरम्यान कोणत्या गोष्टी करायच्या आहेत आणि कोणत्या नाही याचा उल्लेख करण्यात आला आहे.

कोरोना योध्याना सर्वात आधी लशीचा लाभ मिळणार असून, त्यापैकी काही जणांशी पंतप्रधान नरेंद्र मोदी दूरचित्रसंवाद यंत्रणेद्वारे संवादही साधणार आहेत. लसीकरण मोहिमेच्या प्रारंभावेळी लशींचा पुरवठा आणि वितरणावर देखरेख ठेवण्यासाठी तयार करण्यात आलेल्या ‘को-विन’ अ‍ॅपचे लोकार्पणही पंतप्रधानांच्या हस्ते होईल, अशी माहिती दिली आहे.

दरम्यान, पंतप्रधान नरेंद्र मोदी यांनी प्रसारमाध्यमांसमोर कोरोना लस टोचून घ्यावी, असं आवाहन राष्ट्रवादी काँग्रेसचे आमदार अमोल मिटकरी यांनी केलं आहे. देशाचे पंतप्रधान मोदी यांच्यावर भारतीय जनता पार्टीचा प्रचंड विश्वास आहे. त्यामुळे त्यांनी आधी मीडियासमोर येऊन लस टोचून घ्यावी. म्हणजे आमचाही त्यावर विश्वास बसेल, असं मिटकरी म्हणालेत.

मोदी सुरक्षित तर देश सुरक्षित असेल. म्हणून आधी मोदींनी लस टोचून घ्यावी, असं अमोल मिटकरी यांनी म्हटलंय. दरम्यान, पुण्याच्या सीरम इन्स्टिट्यूटमधून देशभरात 13 ठिकाणी लस पाठवण्यात आली आहे. मुंबईसह महाराष्ट्रातही कोरोना लसीकरणाची जय्यत तयारी करण्यात आली आहे.

News English Summary: NCP MLA Amol Mitkari has appealed to Prime Minister Narendra Modi to inject corona in front of the media. The Bharatiya Janata Party has great faith in Prime Minister Modi. Therefore, they should first come in front of the media and get vaccinated. That means we will also believe in it, said Amol Mitkari.

News English Title: NCP MLA Amol Mitkari target PM Narendra Modi over corona vaccination news updates.