देशाच्या प्रमुखांनीही निवडणूक शपथपत्रात माहिती लपवली होती | पवारांचा भाजपाला टोला

मुंबई, २५ जानेवारी: राज्याचे सामाजिक न्याय मंत्री धनंजय मुंडे यांच्यावरील बलात्काराच्या आरोपांच्या पार्श्वभूमीवर राष्ट्रवादीचे अध्यक्ष शरद पवार यांनी आज पुन्हा एकदा माध्यमांसमोर रोकठोक भूमिका मांडली. जोपर्यंत आरोपांमधील सत्यता समोर येत नाही, तोपर्यंत धनंजय मुंडे यांचा राजीनामा घेणार नाही, अशी भूमिका घेत मुंबई पोलिसांवर आमचा संपूर्ण विश्वास आहे. ते या प्रकरणाचा योग्य तपास करतील, असं शरद पवार म्हणाले.

राष्ट्रवादीचे नेते धनंजय मुंडे यांनी निवडणूक शपथपत्रात माहिती लपवल्याने त्यांच्यावर कारवाई करण्याची मागणी भारतीय जनता पक्षाकडून होत आहे. यावरून राष्ट्रवादी काँग्रेसचे अध्यक्ष शरद पवार यांनी भारतीय जनता पक्षाला टोला लगावला आहे.

देशाच्या सर्वोच्च प्रमुखांनी देखील शपथपत्रात माहिती लपवली होती, असा टोला शरद पवारांनी भारतीय जनता पक्षाच्या नेत्यांना लगावला आहे. ते मुंबईत माध्यमांशी बोलत होते. धनंजय मुंडेंनी शपथपत्रात माहिती लपवली की नाही हे पाहावं लागेल. त्यातील काही तांत्रिक गोष्टी पाहाव्या लागतील. देशात अशा अनेक गोष्टी झाल्या आहेत. देशाच्या सर्वोच्च प्रमुखांनीही शपथपत्रात माहिती लपवली होती. त्याच्या खोलात जाण्याची गरज नाही, असं पवार म्हणाले.

News English Summary: Against the backdrop of allegations of rape against state social justice minister Dhananjay Munde, NCP president Sharad Pawar today once again took a restraining stance in front of the media. We have full faith in the Mumbai Police, taking a stand that Dhananjay Munde will not resign until the truth of the allegations comes to light. He will properly investigate the matter, said Sharad Pawar.

News English Title: Sharad Pawar reply to media over allegations on Dhananjay Munde news updates.