भारतात पसरणाऱ्या स्ट्रेनला WHO ने नवीन व्हेरिएंट ऑफ कंसर्न घोषित केले | पण लस त्याविरोधात प्रभावी

वॉशिंग्टन, ११ मे | देशात कोरोनाच्या दुसऱ्या लाटेत एक दिलासादायक बातमी समोर आली आहे. देशात सोमवारी 3 लाख 29 हजार 379 नवीन संक्रमित आढळले, पण 3.55 लाख संक्रमित ठीकही झाले. 62 दिवसानंतर ठीक होणाऱ्या रुग्णांचा आकडा नवीन रुग्णांपेक्षा जास्त आहे. यापूर्वी, 9 मार्चला 17,873 कोरोना रुग्ण आढळले होते, तर 20,643 रुग्ण ठीक झाले होते.

दुसरी दिलासादायक बाब म्हणजे, सोमवारी मागील पंधरा दिवसातील सर्वात कमी रुग्ण आढळले आहेत. यापूर्वी, 26 एप्रिलला 3.19 लाख रुग्ण आढळले होते. दरम्यान, सोमवारी 3,877 रुग्णांचा मृत्यू झाला आहे.

दरम्यान, जागतिक आरोग्य संघटनेने कोरोनाच्या दुसऱ्या लाटेत भारतात पसरत असलेल्या स्ट्रेनला जागतिक स्तरावर चिंताजनक असल्याचे सांगितले आहे. त्यांनी म्हटले की, भारतात सर्वात पहिले ऑक्टोबरमध्ये आढळलेला हा व्हेरिएंट B.1.617 जास्त संक्रामक आहे आणि हा सहज पसरू शकतो.

कोरोनावर जागतिक आरोग्य संघटनेच्या प्रमुख मारिया वॅन केरखोवनुसार एका छोट्या सँपल साइजवर केलेल्या लॅब स्टडीमध्ये समोर आले की, या व्हेरिएंट (B.1.617) वर अँटीबॉडीजचा कमी परिणाम होत आहे. मात्र याचा अर्थ असा नाही की, या व्हेरिएंटमध्ये व्हॅक्सीनप्रती जास्त प्रतिरोधक क्षमता आहे.

केरखोवने सोमवारी जारी केलेल्या निवेदनात म्हटले की, उपलब्ध डेटाने समजते की, कोरोनाच्या सर्व व्हॅक्सीन आजार रोखणे आणि B.1.617 व्हेरिएंटने संक्रमित लोकांचा जीव वाचवण्यात प्रभावी आहे. यासोबतच म्हटले की, या व्हेरिएंटविषयी अधिक माहिती मंगळवारी दिली जाईल. WHO च्या चीफ सायंटिस्ट सौम्या स्वामीनाथन यांनीही असे म्हटले आहे की सद्यस्थितीतील लस आणि तपासणी प्रभावी आहे. तसेच उपचारही पूर्वी सारखेच दिले जात आहेत. म्हणूनच लोकांना ते बदलण्याची गरज नाही, त्याऐवजी त्यांनी पुढे येऊन लसीकरण केले पाहिजे.

News English Summary: The World Health Organization (WHO) has said that the second wave of corona in India is a global concern. He said that this variant B.1.617, first found in India in October, is highly contagious and can spread easily.

News English Title: The World Health Organization has said that the variant B 1 617 in second wave of corona in India is a global concern news updates.