2024 मध्ये भाजपचा मोठा पराभव होणार, 6 महिन्यानंतर भाजपचे अनेक बडे नेते ED, CBI, NIA कारवाईत तुरुंगात असतील - सत्यपाल मलिक

Lok Sabha Election 2024 | मागील दोन महिने मुख्यमंत्री नितीश कुमार देशभरात फिरले आहेत. या भेटीचा उद्देश स्पष्ट करताना ते स्पष्ट सांगतात की, भाजपचा विजय रथ रोखायचा असेल तर विरोधी पक्षांना एकत्र यावे लागेल. त्यासाठी मोठ्या राजकीय पक्षांबरोबरच छोट्या प्रादेशिक पक्षांनाही एका व्यासपीठावर आणण्याचा त्यांचा प्रयत्न आहे. या भेटी आणि बैठकांमध्ये नितीश कुमार यांनी घेतलेल्या मेहनतीची पाटण्यातील बैठकीनंतर लिटमस टेस्ट असणार आहे. अनेक अडथळ्यांनंतर काल (23 जून) पटना येथे विरोधी पक्षांची भविष्यातील राजकारणाला वेगळी दिशा देण्याची शक्यता असलेली बैठक होत आहे.

१९७७ नंतर पहिल्यांदाच विरोधकांच्या एकजुटीबाबत असे चित्र पाहायला मिळाले आहे. याआधीही अनेकदा विरोधी पक्षांची बैठक झाली, युतीही झाली. परंतु, एकाच व्यासपीठावर एकत्र येण्यास इतक्या पक्षांनी सहमती दर्शविण्याची ही पहिलीच वेळ आहे. विरोधकांमधील हे सामंजस्य खूप आत्मविश्वास दाखवणारं आहे. सर्वांनी मिळून लढा दिला तर आपले ध्येय अशक्य नाही, असा संदेश देण्यात विरोधक यशस्वी झाले आहेत.

दरम्यान, काँग्रेस अध्यक्ष मल्लिकार्जुन खर्गे यांनी आपल्या नव्या टीमचा आराखडा तयार केला आहे. उदयपूर नवसंजीवनी आणि रायपूर महाधिष्ठीत घेतलेल्या निर्णयांची अंमलबजावणी करून अनेक युवा नेत्यांवर महत्त्वाच्या जबाबदाऱ्या सोपवण्याची काँग्रेस पक्षाची तयारी आहे. त्याचबरोबर संघटनेला नवसंजीवनी देण्यासाठी अनेक प्रदेशाध्यक्षही बदलण्यात येणार आहेत असे खात्रीलायक वृत्त आहे. काँग्रेसने दक्षिण भारतात कर्नाटक भाजपकडून खेचल्यानंतर तेलंगणात सुद्धा काँग्रेस सत्तेत येईल असे संकेत मिळाल्याने तेलंगणाचे मुख्यमंत्री KCR सुद्धा विरोधकांच्या आघाडीपासून दूर गेल्याचे म्हटले जातेय. त्यामुळे राजस्थान, मध्यप्रदेश, छत्तीसगड, कर्नाटक, तेलंगणा, हिमाचल प्रदेश आणि आंध्र प्रदेश या राज्यांमध्ये काँग्रेस अत्यंत भक्कम स्थितीत असल्याने काँगेसचा आत्मविश्वास दुणावला आहे.

२०२४ मध्ये भाजपची सत्ता जाणार आणि भाजपचे नेते तुरुंगात असतील – सत्यपाल मलिक
भाजपचे ज्येष्ठ नेते आणि जम्मू-काश्मीर तसेच गोव्याचे माजी गव्हर्नर सत्यपाल सिंग यांनी नुकताच गौप्यस्फोट करताना CRPF जवानांच्या मृत्यूला मोदी सरकार कसे जवाबदार होते आणि या घटनेचा २०१९ च्या लोकसभा निवडणुकीपूर्वी कसा फायदा घेतला गेला ते उघड केलं होतं. त्यानंतर त्यांच्या घरावर देखील CBI रेड पडली आहे.

जाट समाजातील असलेले सत्यपाल मलिक हे आता हरियाणा आणि पंजाबमध्ये अनेक मेळावे घेत असून या समाजाचा शेतकरी आंदोलनात महत्वाचा सहभाग राहिला आहे. तसेच महिला कुस्तीपटूंच्या आंदोलनावरून त्यांनी भाकीत केले आहे की, आगामी लोकसभा निवडणुकीत भाजपचा हरयाणातील सर्व १० जागांवर दारुण पराभव तर होतीलच, पण देशातही मोदींचा मोठ्या फरकाने पराभव होईल असं भाकीत केलं आहे. वरिष्ठ पत्रकार दीपक शर्मा यांना दिलेल्या मुलाखतीत अनेक उलघडे केले असून आगामी निवडणूक ऐतिहासिक ठरेल असे म्हटले आहे. विरोधकांनी न डगमगता पुढचे ५-६ महिने ED, CBI आणि आयटी विभागाचा त्रास सहन करावा. कारण हे लोकसभा निवडणुकीपूर्वी हे विरोधकांना घाबरविण्यासाठी नव्हे तर स्वतः मोदी भाजपच्या अंतर्गत सर्व्हेमुळे घाबरले असल्याने करत आहेत असं ते म्हणाले. तसेच पुढच्या ६ महिन्यानंतर सत्तांतर होईल आणि भाजपचे अनेक बडे नेते तुरुंगात असतील असे देखील त्यांनी ठामपणे सांगितले आहेत.

ती मुलाखत तुम्ही येथे पाहू शकता :

News Title : Former Jammu Kashmir governor and BJP leader Satyapal Malik talked on lok Sabha Election 2024.