कडवी झुंज; परंतु पी व्ही सिंधूला रौप्य पदकावर समाधान मानावे लागले

चीन : चीनमध्ये सुरु असलेल्या जागतिक अजिंक्यपद बॅडमिंटन स्पर्धेत भारताच्या पी व्ही सिंधूला स्पेनच्या कॅरोलिना मरीन हिने २१-१९, २१-१० असे पराभूत केले आहे. त्याआधी स्पेनच्या कॅरोलिना मरीन हिनेच भारताच्याच सायना नेहवाल हिला पराभूत केले होते. परंतु पी व्ही सिंधूने सुद्धा कडवी झुंज दिली होती.

पी व्ही सिंधूने सुरुवातीला घेतलेली आघाडी फलदायी ठरू शकली नाही. त्यानंतर कॅरोलिना मरीनने दमदार खेळी करत पहिला गेम २१-१९ असा जिंकला. त्यानंतर दुसऱ्या गेममध्ये सिंधूला मात दिली, जो कॅरोलिना मरीनने तब्बल अकरा गुणांच्या फरकाने जिंकला. त्यामुळे अखेर पी व्ही सिंधूचे विजेतेपदाची स्वप्न भंगले आहे आणि तिला रौप्य पदकावर समाधान मानावे लागले.

त्याआधी झालेल्या थायलंड ओपन बॅडमिंटन स्पर्धेच्या अंतिम फेरीत सुद्धा भारताच्या पी. व्ही. सिंधूला पराभवाला सामोरे जावे लागले होते. जपानच्या नोझुमी ओकुहाराने सिंधूचा २१-१५, २१-१८ असा सरळ गेममध्ये पराभव केला होता. त्या पराभवाचा वचपा सिंधूने या स्पर्धेत काढला होता.