वॉरेन बफेट यांची भारतातील पहिली गुंतवणूक ‘पेटीएम’मध्ये

नवी दिल्ली : जगप्रसिद्ध उद्योगपती आणि ‘बर्थशायर हॅथवे’ या कंपनीचे सर्वेसेवा वॉरेन बफेट हे भारतात पहिल्यांदाच गुंतवणूक करणार असल्याचे वृत्त आहे. वॉरेन बफेट हे विजय शेखर शर्मा यांच्या‘पेटीएम’ कंपनीच्या मुख्य कंपनीत म्हणजे ‘वन 97 कॉम्युनिकेशंस’मध्ये ते मोठी गुंतवणूक करणार असल्याचे समजते.

वॉरेन बफेट ‘वन 97 कॉम्युनिकेशंस’मध्ये तब्बल २,५०० कोटी रुपयांची गुंतवणूक करणार असल्याचे वृत्त इकॉनॉमिक टाइम्सने प्रसिद्ध केले आहे. त्याच अनुषंगाने बर्थशायर हॅथवे आणि पेटीएममध्ये सध्या प्राथमिक स्थरावर बोलणी सुरू असून येत्या दोन ते तीन आठवड्यांमध्ये याबाबत अंतिम निर्णय घेतला जाऊ शकतो. बर्थशायर हॅथवे वन-97 कम्युनिकेशनमधील सुमारे दोन ते चार टक्के समभाग खरेदी करेल, असे म्हटले जात आहे. या वृत्ताला ‘बर्थशायर हॅथवे’ने दुजोरा दिला असला तरी वन-97 कम्युनिकेशन’मधून दुजोरा मिळू शकला नाही.

परंतु बर्थशायर हॅथवे’कडून एवढी मोठी गुंतवणूक झाल्यास त्याचा प्रचंड मोठा फायदा वन-97 कम्युनिकेशन’ला होणार आहे. त्यामुळे सर्व स्पर्धकांना मोठ्या प्रमाणावर टक्कर देणे त्यांना सहज शक्य होणार आहे. विशेष म्हणजे या गुंतवणुकीनंतर पेटीएम’मध्ये चीनची अलीबाबा कंपनी आणि जपानच्या सॉफ्टबँके बरोबरच अमेरिकेतील बर्थशायर हॅथवे सुद्धा जोडली जाणार आहे.